1.
 
<page>
<ignore>८० श्रीशिवस्तोत्रेषु
 
</ignore>
<verse>व्यग्रः समग्रशक्ते दासजनानुग्रहः काक्वासौ ।
 

भवतो यतो न मां प्रति संप्रति करुणायते चेतः ॥। ४१ ॥
</verse>
<verse>श्वेतहिताय कृतान्तं कृतवानसि भस्मसाद्यया सहसा ।
 

सा तव भगवन् करुणा निष्करुणा मयि कथं जाता ॥ ४२ ॥
</verse>
<verse>पापाः पापन्घ्नानां कृपणाः करुणार्द्रचेतसां सततम् ।

तरुणाः करुणाक्षेत्रं भवादृशां मादृशा एव ॥ ४३ ॥
</verse>
<verse>दीनं दयार्द्रहृदयास्त्रायन्ते भवादृशा उपेत्य विभो ।

त्वं तु मयि याचमाने न त्राता चित्रमेतदहो ॥ ४४ ॥
</verse>
<verse>नैषा कृपा कृपावन् परमेश विशेषवृत्ति<delete>ना </delete><add>[ता ] </add><fix> </fix>येयम् ।

दीनेषु दयावन्तः सन्तः साम्येन वर्तन्ते ॥ ४५ ॥
</verse>
<verse>तव दासभावमपुनर्दास्यायैवं वदन्ति यदि सन्तः ।

लोभहतकस्य दास्यं तदिह ममाद्यापि नाथ कथम् ॥ ४६ ॥
 
</verse>
<verse>अद्य वो वा मरणं त्राणं त्वत्तो न मेऽस्ति गतिरन्या ।

भ्राम्यति ताम्यति त्रुट्यति मुह्यति शुष्यति च मम चेतः ॥ ४७ ॥
 
</verse>
<verse>धरणितलेन कलेबरमेतन्मे काष्ठवद्यावत् ।
 

तावत्प्रसीद सीदति न हि ते शरणागतो जगति ॥ ४८ ॥
 
</verse>
<verse>आविशति विवशमेतच्चेतो यावन्न मोहपातालम् ।
 

तावत्प्रसीद सीदति न हि ते शरणागतो जगति ॥ ४९ ॥
</verse>
<verse>धनिनो धनेन धन्याः सेवन्ते त्वां गुणैश्च गुणिनोऽपि ।

एतत्तु भक्तिमात्रं सर्वस्वं मे गृहाण विभो ॥ ५० ॥
</verse>
<verse>पापात्मकोऽयमिति मयि विजुगुप्सां मा कृथा जगन्नाथ ।

जगति न तदस्ति पापं हरति न यत्तेऽङ्घ्रिसंस्मरणम् ॥ ५१ ॥
</verse>
<verse>हुतवहनिचयो हिमतां तुहिनं दहनत्वमेतु कदाचिदपि ' ।
<ref>1</ref> ।
न तु तव चरणस्मरणं मोघममोघस्मृतेर्भवति ॥ ५२ ॥
</verse>
<verse>दिवमधिरोहतु धरणी तारानिकरोऽपि लुठतु भूमितले ।

न तु तव चरणस्मरणं मोघममोघस्मृतेर्भवति ॥ ५३ ॥
</verse>
<footnote>1. च कदाचित्
 
1
 
</footnote>
</page>