Śrī Sumadhvavijaya Kannaḍa Kāvya /68

ಓಡುವರು ಗೆಳೆಯರು ಶರವೇಗದಿಂದ
 

ಗುರಿಯ ಮುಟ್ಟುವ ಬಗೆಗೆ ಎಲ್ಲರಿಗೂ ಕಾತುರ

ಲಗುಬಗೆಯ ಓಟದ ಈ ಸ್ಪರ್ಧೆಗಳಲ್ಲಿ

ವಾಸುದೇವನು ಮುಂದದೆ, ಉಳಿದವರು ಹಿಂದೆ

ಸೋಜಿಗವು ಇದರಲ್ಲಿ ಇನಿತಾದರೂ ಇಲ್ಲ

ವಾಯುದೇವನ ವೇಗ ಮೀರ ಬಲ್ಲವರಾರು ?
 
॥ ೪೪ ॥
 
ಕೆಲವೊಮ್ಮೆ ಮಿತ್ರರಲಿ ಮತ್ತೊಂದು ಆಟ

ಎಲ್ಲರಿಗೂ ಎತ್ತರಕೆ ಜಿಗಿಯುವವರಾರೆಂದು

ವಾಸುದೇವನ ಜಿಗಿತ ಎಲ್ಲರಿಗೂ ಮಿಗಿಲು

ರಾಮನಾಣತಿಯಂತೆ ಸೀತೆಯನ್ನು ಅರಸುತ್ತ

ಹೊರಟ ಹನುಮನ ಪರಿಯ ಅಂಥ ಜಿಗಿತ

ವಾಲಿಸುತ ಅಂಗದನ ಜಿಗಿತವನು ಮೀರಿಸಿತು.
 
॥ ೪೫ ॥
 
ಜಲವಿಹಾರದ ಕ್ರೀಡೆ ಮತ್ತೊಂದು ಮೋಜಿನದು

ಈಜುಗಾರಿಕೆಯಲ್ಲೂ ವಾಸುದೇವನೇ ಮುಂದು

ಸಿಟ್ಟಾದ ಮಿತ್ರರು ಆಟದಲ್ಲಿ ಸೋತು

ತಣ್ಣೀರನೆರಚಿದರು ವಾಸುದೇವನ ಮುಖಕೆ

ಇದರಿಂದ ಕೆಂಪಾಯ್ತು ಬಾಲಕನ ಕಂಗಳು

ಮುಖದಲ್ಲಿ ಮೂಡಿತ್ತು ನಗೆಯ ಬೆಳದಿಂಗಳು
 
॥ ೪೬ ॥
 
ತುಂಬು ತೋಳಳ್ಬಲದವರು ಆ ಮಿತ್ರರೆಲ್ಲಾ

ಒಮ್ಮೊಮ್ಮೆ ಒಬ್ಬೊಬ್ಬ ವಾಸುದೇವನ ಬಳಿಗೆ

ಮತ್ತೊಮ್ಮೆ ಎಲ್ಲರೂ ಒಟ್ಟಾಗಿ ಕಲೆತು

ಹರಿಹಾಯ್ದು ಬರುವರು ಆತನೆಡೆಗೆ

ಸ್ವಲ್ಪವೂ ಧೃತಿಗೆಡದ ವಾಸುದೇವನು ಮಾತ್ರ

ಕೆಡುವುವನವರನ್ನು ನಕ್ಕು ನಸುನಗುತ
 
50 / ಶ್ರೀ ಸುಮಧ್ವ ವಿಜಯ ಕನ್ನಡ ಕಾವ್ಯ
 
45
 
46
 
47
 
॥ ೪೭ ॥