Śrī Sumadhvavijaya Kannaḍa Kāvya /159

ಶ್ರೀ ಗುರುಭೋಭ್ಯೋ ನಮಃ

ಒಂಬತ್ತನೆಯ ಸರ್ಗ
 

 
ನಾರಾಯಣಾಶ್ರಮದಿಂದ ವ್ಯಾಸಾಶ್ರಮಕ್ಕೆ ಆಗಮನ
 

 
ಕವಿಲೋಕನಾಯಕರು ಆನಂದ ತೀರ್ಥರು

ಏಕಾಗ್ರ ಚಿತ್ರತದಲ್ಲಿ ಸ್ತುತಿಸುತ್ತ ನಿಂದು

ಸಾಷ್ಟಾಂಗ ಗೈದರು ಆದರದಿ ಶ್ರೀ ಹರಿಗೆ

ಸೌಖ್ಯ ತೀರ್ಥರ ಕಂಡು ಧರ್ಮ ಪುತ್ರನು ಆಗ

"ವೇದನಾಯಕ ಪುರಿಗೆ ಮರಳಿ ತೆರಳಿರಿ ನೀವು"

ಇಂತೆಂದು ಆಣತಿಯನಿತ್ತನವನ್ನು
 
॥ ೧ ॥
 
ಪರಮಾ
 
ತ್ಮನಾಣತಿಯ ಶಿರದಲ್ಲಿ ಹೊತ್ತು

ವ್ಯಾಸಮುನಿದರ್ಶನವ ಮನದಲ್ಲಿ ಬಿತ್ತು

ಮಧ್ವಮುನಿ ಸೇರಿದರು ವ್ಯಾಸಗುರುಧಾಮಕೆ

ಶ್ರಾವ್ಯವಾದುದನೆಲ್ಲ ಶ್ರವಣ ಮಾಡುತ್ತ

ಗುರು ಚಿತ್ತವೃತ್ತಿಯನ್ನು ಸುಲಭದಲಿ ಅರಿಯುತ್ತ

ಮಧ್ವಮುನಿ ಅಲ್ಲಿಂದ ತೆರಳಲೆಳಸಿದರು
 
॥ ೨ ॥
 
ವ್ಯಾಸಾಶ್ರಮದಿಂದ ವಿಶಾಲ ಬದರಿಗೆ ಪ್ರಯಾಣ
 

 
ಮಂದಹಾಸದ ಮೃದು ಸುಂದರಾನನದವರು

ವಂದನೀಯರ ನಡುವೆ ಅಭಿವಂದಿತರು ಅವರು

ಪ್ರಾಜ್ಞರ ಕುಲಕೆಲ್ಲ ಮೌಲಿಮಣಿಯವರು
ಯಿವರು
ಇಂಥ ಶ್ರೀ ವ್ಯಾಸರಿಗೆ ಸಾಷ್ಟಾಂಗ ನಮಿಸುತ್ತ

ಅಪ್ರತಿಮ ಸುಜ್ಞಾನಿ ಆನಂದ ತೀರ್ಥರು

ಗುರುಗಳನುಮತಿ ಪಡೆದು ಅಲ್ಲಿಂದ ತೆರಳಿದರು
 
2
 
3
 
॥ ೩ ॥