2023-06-28 11:06:05 by kpgadda
This page has been fully proofread once and needs a second look.
न शास्ता न शास्त्रं न शिष्यो न शिक्षा
न च त्वं न चाहं न चायं प्रपञ्चः
स्वरूपावबोधो विकल्पासहिष्णुः
तदेकोऽवशिष्टः शिवः केवलोऽहम् ॥७॥
1
न जाग्रनमे स्वप्नको वा सुषुप्तिः
न विश्वो न वा तैजसः प्राज्ञको वा:
अविद्यात्मकत्वात्रयाणां तुरीय:.
तदेकोऽवशिष्टः शिवः केवलोऽहम् ॥ ८ ॥
अपि व्यापकत्वाद्वितत्वप्रयोगात्
स्वतस्सिद्धभावादनन्याश्रयत्वात्
जगत्तुच्छमेतत्समस्तं तदन्यत्
तदेकोऽवशिष्टः शिवः केवलोऽहम् ॥ ९ ॥
न चैकं तदन्यत् द्वितीयं कुतस्यात्
न वा केवलत्वं न चाकेवलत्वम्
न शून्यं न चाशून्यमद्वैतकत्वात्
कथं सर्ववेदान्तसिद्धं ब्रवीमि ॥ १० ॥