<page>
<ignore>नीतिशतकम् ।
 
</ignore>
<p>न प्रयाति न गच्छति एतादृशविद्याख्यं विद्यानामकमन्तर्धनं गुप्तं धनं येषां

तैः सह कः पुरुषः स्पर्धते स्पर्धाधां करोति न कोऽपि अतो हे नृपास्तान्प्रति

वयं धनवन्तो राजानः इमे त्वतिदरिद्रास्तुच्छा इति मानं गर्वमुज्झत त्यज<error>तो.
</error><fix>ते</fix>ति
भावः ॥ "शार्दूलविक्रीडितं वृत्तम्" ॥ १६ ॥<error>—
 
</error></p>
<p>किंच-
 
--</p>
<verse>अधिगतपरमार्थान्पण्डितान्मावमंस्था-
 

स्तृणमिव लघु लक्ष्मीर्नैव तान्संरुणद्धि ॥

अभिनवमदलेखाश्यामगण्डस्थलानां
 

न भवति बिसतन्तुर्वारणं वारणानाम् ॥ १७ ॥
 
</verse>
<p>अधिगतेति ॥ अधिगतः प्राप्तः परमार्थो यैस्तान्पण्डितान् लघु तुच्छं तृण-

मिव माऽवमंस्था अपमानं मा कुरु, यतो लक्ष्मीरपि तान् नैव संरुणद्धि रोद्धुं

न शक्नोति ॥ ' तत्र दृष्टान्तः ' ॥ अभिनवो नूतनो यो मदो मदजलं तस्य

लेखा पङ्किक्तिस्तया श्यामे गण्डस्थले येषां तेषां वारणानां गजानां बिसतन्तुः

कमलनालतन्तुर्वारणं रोधको न भवति ॥ मालिनी वृत्तम् " ननमयययुतेयं

मालिनी भोगिलोकैरिति" तल्लक्षणात् ॥ १७ ॥
 
</p>
<p>आनुषङ्गिकगुणनिवर्तको लोको दृष्टः स्वभावसिद्धगुणं निवर्तयितुं कोऽपि

समर्थो नास्तीति हंसदृष्टान्तेन दर्शयन्नाह -
 
---</p>
<p>अम्भोजिनीवननिवासविलासमेव

हंसस्य हन्ति नितरां कुपितो विधाता ॥

न त्वस्य दुग्धजलभेदविधौ प्रसिद्धां

वैदग्ध्यकीर्तिमपहर्तुमसौ समर्थः ॥ १८ ॥
 
</p>
<p>अम्भोजिनीति ॥ कुपितो विधाता ब्रह्मा हंसस्याम्भोजिनीनां कमलिनीनां

वनं निवासस्थानम् "वनं नपुंसकं तीरे निवासे इति मेदिनी" तत्र निवासेन

यो विलासस्तमेव नितरां हन्ति नाशयति, परंत्वस्य हंसस्य दुग्धं च जलं च

तयोर्भेदः पृथक्करणं तस्य विधौ विधाने प्रसिद्धां लोकविश्रुतां वैदग्ध्यं खा-

भाविकचातुर्यं तस्य कीर्तिमपहर्तुं दूरीकर्तुमसौ ब्रह्माऽपि न समर्थः काऽन्यस्य

वार्तेत्यर्थः ॥ " वसन्ततिलका वृत्तम् ॥ लक्षणं तूक्तमेव" ॥ १८ ॥
</p>
<p>अङ्गदाद्यलङ्कारेभ्यो बावागलङ्कारो गरीयानित्यवश्यं स संपादनीय इत्यभि-
 

प्रायेणाह -
 
-
 
--</p>
<verse merge-next="true">केयूरा न विभूषयन्ति पुरुषं हारा न चन्द्रोज्ज्वला

न स्नानं न विलेपनं न कुसुमं नालङ्कृता मूर्धजाः ॥
 
२
 
D</verse>
<ignore>२</itized by Ggnoore>
</pagle
 
e>