श्रीव्यासयोगिचरितम् /90

<page>
<ignore lang="sa">पञ्चमोल्लासः
 
</ignore>
<ignore lang="sa">59
 
</ignore>
<p lang="sa">प्रयागपुलिनप्रदेशा इव सन्निहितसरस्वतीविलासा वरवर्णिनीकटाक्षा

इव श्रुतिपारदृश्वानो भूपतय इव दुर्वारशास्त्रप्रणेतारो गंडोपला

इव महीभृत्कटकस्थितिजुषः शबरा इव बहुपक्षव्याहारकृतमुखाः

केचिदंगवंगकलिंगमालवचोलकेरलादिविविधदेशेभ्यस्सरोषोद्वेगमापतित-

मात्रा एव विपश्चितः संघीभूयाहंप्रथमिकया वादेन विजिगीषवो

राजकुलद्वारतोरणस्तंभनासायां दर्वीकरजिह्मायामिनीं बिरुदपत्रिकां
 

बबंधुः ।
 
</p>
<verse lang="sa">आडंबरेण महता भुवि दृश्यमानाः

सर्वेऽपि ते युगपदेव धराधिपस्य ।

आमर्दितां सचिवपौरपुरोहितायै

रास्थानभूमिमधिरुह्य ततो निषेदुः ॥
 
</verse>
<verse lang="sa">वैदेशिकानां सुधियां क्षितींद्रः

तादृग्विधामारभटीं समीक्ष्य ।
 

तं व्यासयोगीशितुरानुभावं

जानन्नपि त्रस्त इवावतस्थे ॥
 
</verse>
<p lang="sa">अत्रांतरे शिष्यमुखादाकर्ण्य तथाविधमुदंतम् ।
 
</p>
<verse lang="sa">संप्रेषितेन पुरतो विकलय्य पत्रीं
 

तां शैबिकेन तरसा यतिकुंजरस्य ।
 

आगच्छतो नृपसभां गगनावगाही

तालध्वनिस्समुदजृंभत संभ्रमेण ॥
 
</verse>
<p lang="sa">तदानीम्—
 
</p>
<verse lang="sa">कल्प्यमानजगदद्भुतमोदः कथ्यमानपरतंत्रविभेदः ।
 

विद्विषामभवदाहितखेदो व्यासयोगिजयतालनिनादः ॥
 
</verse>
</page>