श्रीव्यासयोगिचरितम् /86

<page>
<ignore lang="sa">पञ्चमोल्लासः
 
</ignore>
<ignore lang="sa">55
 
</ignore>
<verse lang="sa">यस्यास्समीपोपवनानि दृष्ट्वा
 

विसिष्मिये व्यासयतिर्महात्मा ॥
 
</verse>
<p lang="sa" merge-next="true">ततः नरसमहीपालः क्रमेण नगरोपकंठमागच्छंतमेनं भगवंतं

व्यासयोगिनं सचिवमुखादाकर्ण्य संबध्यमानकुतूहल: प्रत्युज्जिगमिषया

सराजलोकः सरभसमासनादुत्तस्थौ । तावदत्र संभ्रमैस्सज्जीकृत्य

करद्वयधृतखलीनगुणैरसकृत्क्रियमाणमृदुतरचपेटास्फालनस्सांत्वनैस्सा-

दिभिस्सपदि समुपनीतं चटुलतरखुरपुटतया जुगुप्समानभूतलस्पर्शं

वपुष्मंतमिव सुकृतराशिं वदनराजीवपराजिततया तुरंगभूयमंगीकृत्य

वोढुमागतमिव सारंगचिह्नं गंडोपलमिव कैलासशैलस्य न्यासीकृतरथ्या

मिवार्थस्य विजययात्रासमुत्थापितरजःपुंजपूरणचकितचकितेन दुग्धसाग-

रेणेवोपदीकृतमुन्नमितकर्णपल्लवमुन्मिषितहेषारवमुत्तुंगधवलतुरंगमधि-

रूढः किरीटतटघटितमुक्तामणिनिकरसमुत्पतितेनेव प्रभाचक्रवालेन

सितातपवारणेन संपादितच्छायः कमलकर्णिकाकर्णपूरेणेव राज्य-

लक्ष्म्याः कुंचेन कनकनालेन परिवीज्यमानस्सविधवर्तिभिर्विविधनटनला-
 

लनपरतंत्रघोटकधावनप्रकंपमानकर्णावतंसैराप्तैर्महाप्रधानैर्निबिडितपरिस-

रो विशालविमलोष्णीषकलितैरामुक्तकंचुकैराविष्कृतहारमणिनिष्कपरिपा-

कैरुद्गमितचलांचलभुजांचलैर्मागधैः पार्श्वे सहेलमुच्चैः पापठ्यमानविक्रम-

बिरुदमाकर्णयन् भुजारोपितनिखिलवसुमत्यतिवेलभारतया व्यपगतश्रमै-

स्सनृपनिकरैस्सेव्यमानो बहुभिः कुलगिरिभिर्विकटकरटिकटाहनिःसृतम-

दप्रवाहैः स्तंबेरमैरनुरुध्यमानः परिस्फुरत्तपनबिंबप्रतिफलनान्यपरोक्षितप्र-

तापज्वलनानीव विक्लवाधिधारयद्भिरायुधानि कालकवचनिचोलितस्कंधैरं-

बरसंचारलग्ननवमेघखंडैरिव चारणगणैरपरिमितैर्योधैः परिवेष्टयमानः

सततपरिचितपरिश्रमक्रीडनादतिमांसलितावयवैर्विचित्राणि मंडलवल-

यानि विस्तारयद्भिः किलकिलामुखरमुखैः फलकपाणिभिर्देदीप्यमानपु-
 
</p>
</page>