श्रीव्यासयोगिचरितम् /83

<page>
<ignore lang="sa">52
 
</ignore>
<ignore lang="sa">श्रीव्यासयोगिचरितम्
 
</ignore>
<p lang="sa">शुकपोतपक्षतिसुषुमावंचकानां नवमणिकिरणजागरणमांसलितफलफल्य-

तृणीकृतचिरंतनमानस्य चतुरंतमानस्य शरदुदयनिर्णेजितकौमुदीपूलिका-

सुकुमारयोर्धवलचामरयोर्बहुलरागप्रकटनविपञ्चिकायाः
 
कुंचिकाया

निस्सीमप्राभवदात्रीणां कनकपात्रीणामगणनीयगुणग्रामाणां ग्रामाणाम-

नवरतमतिथिजनपूजनकर्मठानामितरेषामपि बह्वीयसां वस्तूनां निचयम-

दात् । तस्मिंश्च विनीतवति विशेषादार्ये प्रयुज्य कुशलगर्भितामाशिषमंबुधे-

रिव ततो राजभवनात्कालमेघ इव स भगवान् वर्षेणेव कलापिन

इव कलाविदस्संमोदयन् गिरितटमिव मठालयमध्यतिष्ठत् ।
 
</p>
<verse lang="sa">जित्वैवमेव बहुधा परिपंथिवर्गं

प्रोद्दामकीर्तिनिबिडोरुनभः कटाहः ।

संस्थापयन् सकलधर्मकुलं यतींद्र-
 

स्तत्रावसत् सबहुलाश्शरदः सुखेन ॥
 
</verse>
<p lang="sa">ततस्स नरसिंहभूपतिः अपरमिव मारं कुमारं समग्रगुणं

तं मारायनामानमधिराज्ये समभिषिच्य कालपरिणामेन जेतुमिव

विक्रमेण शक्रं द्राघीयसा शुभचरितसोपानपथेन दिवमध्यरुक्षत् ।

तमपि स भगवान्याय्येन पथा संचरमाणं प्रचण्डरिपुमण्डलविहरणशमित

दोर्दण्डचण्डिमकण्डूविशेषं कोविदकुलसेवनकुतूहलिनं गुरुरिव कुलिश

पाणिं क्ष्मापतिमनुगृण्हन् तरंगिणीमिव राजहंसो मारुतमिव

मलयमेखलातरलमणिरिव हारलतां शशांक इव शङ्करमुकुटं, तां

पुरीं चिरादलमकरोत् ॥
 
</p>
<trailer lang="sa">॥ इति सोमनाथकविविरचिते व्यासयोगिचरिते चतुर्थोल्लासः ॥
 
</trailer>
</page>