श्रीव्यासयोगिचरितम् /66

<page>
<ignore lang="sa">35
 
तृतीयोल्लासः
</ignore>
<p lang="sa">लक्षणमप्यसकृदालोक्य तमेनं जगति पाषंडबुर्बुरषण्डकण्टकितानामुन्मेष -

णाय वैदिकाचारपदवीनामाश्रमं तुरीयं संक्रमयितुममंस्त । तावदसौ

कुमारो यति राजो निर्मलनिजनैपुणीविशेषमणिमुकुरप्रतिफलितं

तथाविधं तस्य भावं निधाय शैशवचापलेन चिंतासंतानसहायस्ततो

मंदमंदमविदित एव मध्यंदिने पित्रोः सकाशं प्रतिप्रस्थितः
 
</p>
<verse lang="sa">मध्येमार्गं वनशिखिसमानातपैः क्लांतकांतिः
 

पाय पायं सरसि सरसि प्रौढयोदन्ययांभः ।

शाखाजातैः कबलितदिशः कस्यचिन्मूलमागात्

न्यग्रोधद्रोस्स ततु सिकतिलं श्रांतिनिर्वापणाय ॥
तु
 
</verse>
<verse lang="sa">तं शनैः प्रत्यभिज्ञायै तत्र निद्रा तनीयसी ।

आदर्शमिव नैर्मल्यसिद्धये भूतिराविशत् ॥
 
</verse>
<p lang="sa">तत्क्षणे वटपत्रपुटादिव गगनपथादवतीर्णेन सुपर्णोपवाह्याधिरूढेन

कोटीरकोटिघटितांजलिनिलिंपमुनिनिवहस्तूयमानमहिना, पार्श्वप्रवर्त्यमा -

ननानागीतिश्लाघाकंपमानमकुटाग्रेण भगवता लक्ष्मीसहायेन बोधितनि-

जावतारकरणीयः निद्रासंगमविहारस्वेदैरिव हर्षाश्रुवारिशीकरैः कोरकित-

विलोचनो विस्मयपुलकितचेतास्तरसा प्राबुध्यत ।
 
</p>
<verse lang="sa">उत्थाय शीघ्रमुररीकृतभिक्षुभावः

संमृज्य नेत्रयुगल सलिलेन कुंड्याः ।

अभ्यागमत्सविनयेन गुरोस्सकाशं
 

कार्यांतरादिव विनिर्गत एव भूयः ॥
 
</verse>
<p lang="sa">तदनु गणरात्रमतिवाह्य गुरोः प्रत्यहं प्रसंगादिना श्रमतारतम्यं

विवृण्वतः सानुनयं वाचा शिष्यभावं याचमानस्य मनोरथपूरणाय
 
</p>
</page>