2026-01-24 15:17:19 by ambuda-bot
This page has not been fully proofread.
द्वितीयोल्लासः
25
शर्करादिमिश्रितैरार्द्रतिलैश्च बहुधा यथाविधि संप्रीणयामास । तस्य
सन्निधावेव प्रसादलक्षणैः प्रदक्षिणज्वालैः श्लाघमानस्येव हविर्माधुरीं
स्थालिकायां हव्यशेषम् अयातयामं स्वयमेवादाय त्रिधा विभक्तं
चिरेणाभिमंत्रितं वधूसखस्य तस्य गृहमेधिनो हस्ते समर्पयन्
इत्थमभ्यधात्। एतदुपयोगादूर्जस्वलायामरण्यामिव पावकानामचिरादेव
भविष्यत्यपत्यानां त्रितयम् ।
पुण्याय भूरियशसे तव पुष्कलायै
भूत्यै मुदेव पुरुषस्य पुरातनस्य ।
तत्रोत्तरस्य तनयस्य च संप्रदानात्
संप्रीणयिष्यसि मनो मम सप्रियाकः ॥
इत्यभिहितमात्र एव मेधावी प्रसादसूचितानुमतिः प्रियतमावदनम-
वलोक्य दुर्लंघं संस्मरन् वचनं व्यासदेवस्य–
तत्तथेत्युदितवान् वधूमिमां तानि हव्यकबलान्यभोजयत्
सल्लकेरिव वने महाबलः पल्लवानि मृदुलानि वाशिताम् ।
तत्र कंचिदतिवाह्य तापसः कालमस्य करुणापयोनिधिः
पूजनैः पुलकितस्ततो ययौ चन्नपट्टणमभि स्वमालयम् ॥
कालक्रमात्कलितदौहृदकंदलश्री-
स्सा भीममध्वमुनिनामसमेधितौ द्वौ ।
कन्यामसूत कमलामिव सिंधुवेला
दंतावलेंद्रमिव दीप्ररुचं सुतं च ॥
॥ इति श्रीसोमनाथकविविरचिते द्वितीयोल्लासः ।
25
शर्करादिमिश्रितैरार्द्रतिलैश्च बहुधा यथाविधि संप्रीणयामास । तस्य
सन्निधावेव प्रसादलक्षणैः प्रदक्षिणज्वालैः श्लाघमानस्येव हविर्माधुरीं
स्थालिकायां हव्यशेषम् अयातयामं स्वयमेवादाय त्रिधा विभक्तं
चिरेणाभिमंत्रितं वधूसखस्य तस्य गृहमेधिनो हस्ते समर्पयन्
इत्थमभ्यधात्। एतदुपयोगादूर्जस्वलायामरण्यामिव पावकानामचिरादेव
भविष्यत्यपत्यानां त्रितयम् ।
पुण्याय भूरियशसे तव पुष्कलायै
भूत्यै मुदेव पुरुषस्य पुरातनस्य ।
तत्रोत्तरस्य तनयस्य च संप्रदानात्
संप्रीणयिष्यसि मनो मम सप्रियाकः ॥
इत्यभिहितमात्र एव मेधावी प्रसादसूचितानुमतिः प्रियतमावदनम-
वलोक्य दुर्लंघं संस्मरन् वचनं व्यासदेवस्य–
तत्तथेत्युदितवान् वधूमिमां तानि हव्यकबलान्यभोजयत्
सल्लकेरिव वने महाबलः पल्लवानि मृदुलानि वाशिताम् ।
तत्र कंचिदतिवाह्य तापसः कालमस्य करुणापयोनिधिः
पूजनैः पुलकितस्ततो ययौ चन्नपट्टणमभि स्वमालयम् ॥
कालक्रमात्कलितदौहृदकंदलश्री-
स्सा भीममध्वमुनिनामसमेधितौ द्वौ ।
कन्यामसूत कमलामिव सिंधुवेला
दंतावलेंद्रमिव दीप्ररुचं सुतं च ॥
॥ इति श्रीसोमनाथकविविरचिते द्वितीयोल्लासः ।