श्रीव्यासयोगिचरितम् /43

<page>
<ignore lang="sa">14
 
</ignore>
<heading lang="sa">॥ द्वितीयोल्लासः ॥
 
</heading>
<ignore lang="sa">श्रीव्यासयोगिचरितम्
 
</ignore>
<p lang="sa">अथ कदाचिदतीतेषु वासरेषु कतिपयेषु तत्र वह्निपुरे

निरवशेषितनिखिलनिशामुखनिशांतकरणीयकठोरविविधाचरणकर्शि-

तांगी, घर्मसमयपरिम्लानेव नवमालिका, दिनमणिकिरणपरितापितेव

दर्शेदुलेखा, महीयसा गुणेन सौंदर्यादिना द्वितीयेव कमला भगवती

साक्षाल्लक्ष्मीश्चिरादनपत्यतादूयमानमानसा, दुग्धफेनपिण्डपाण्डरदुकूलो-

त्तरच्छदे स्फटिकपर्यंके कलशसागरोदरपरिकल्पिते दर्वीकरसार्वभौमतल्पे

शयानमिव नारायणं कुलवृद्धिकंदलाय संततमनुवर्तमानया कयापि

चिंतया मुहुर्मुहुर्निःश्वसंतं प्रशस्तगुणवैभवं प्रचुरतरसंपत्तिं परमपुरुषाश्रय-

मपि प्रदीपैकसहायं वल्लभं बल्हणसुमतिमभाषिष्ट ।
 
</p>
<verse lang="sa">किं पटैः किं पिटीरैर्वा किं धनैः किं न बांधवैः ।

किमाहारैः विहारैर्वा दंपत्योरनपत्ययोः ॥
 
</verse>
<p lang="sa">अये कष्टं किमन्यदनपत्यतायाः ।
 
</p>
<p lang="sa">तिरयति या कवाटफलकेव लोकयोरुभयोः सुखागमनद्वारम् ।

ग्लपयति या दवानलशिखेव वनतरुपल्लवानि पितृगणमनांसि । जनयति

या रजनीविरतिरिव कुवलयकुमुदयोर्दंपत्योः साधारणं दुःखम् । दर्शयति

या दृशिरिव पटलदूषिता शोभनान्यर्थान्तराणि । निष्फलयति या

प्रवाताहतिरिव कमलमणिगणशतानि सर्वकर्माणि । समापयति या

चरमप्रणवलेखेव स्वाध्यायस्य कुलस्य प्रचारम् ।
 
</p>
<verse lang="sa">अपत्यहीनं कुलमागतस्य कथं प्रकाशः कमलागुणस्य ।

मधोरिवानोकहवाटशून्ये देशे महांतं दधतोऽवतारम् ॥
 
</verse>
<p lang="sa">त एव खलु धन्यमूर्धन्याः ।
 
</p>
</page>