श्रीव्यासयोगिचरितम् /41

<page>
<ignore lang="sa">12
 
</ignore>
<ignore lang="sa">श्रीव्यासयोगिचरितम्
 
</ignore>
<verse lang="sa">इति प्रकृष्टैर्मुनिभिः स पृष्टः प्रहृष्टचेताः प्रतिसंबभाषे ।

पाराशरस्तान् परमार्थवेदी मन्दस्मितस्यंदनसुन्दरोष्ठः ।
 
॥</verse>
<verse lang="sa">समयसमुचितोनुयोग एष

स्वचरितविद्युतिभीतभीतधीभिः ।

व्यरचि खलु तपोऽधुना भवद्भिः
 

समवहिताः श्रुणुताखिलं वदामः ॥
 
</verse>
<verse lang="sa">मणिमानिति वातसूनुना
 

सह युध्वा समरे पराजितः ।
 

असुराधिपतिर्हरं
 

जगद्गुरुमानंदयदर्चया पुरा ॥
 
</verse>
<verse lang="sa">संप्रीणितेन मनसा शशिशेखरेण

देयं किमित्यभिहितो दितिसूनुरेषः ।

इच्छामि जेतुमतिमात्रबलेन भीम

मित्यब्रवीद्विपुलमानससाहसश्रीः ॥
 
</verse>
<p lang="sa">एवं दुर्वितरं वरं प्रार्थयमानस्य मानधनाग्रेसरस्य वचनमाकर्ण्य

तस्य दरहसितविकसितगण्डपालिश्चंडिकाजानिः पुनरप्येवमब्रवीत् ।
 
</p>
<verse lang="sa">शक्यो जेतुं किमु स भगवान् सप्तलोकीविधाता
 

मुख्यप्राणो मुरदनुजभिद्भक्तमूर्धन्य एषः ।
 

कृत्वा मायामतमभिनवं मोहनायामुना त्वं
 

किंचित्कालं शिथिलय मतं तस्य तत्त्वावबोधम् ॥
 
</verse>
<p lang="sa">इति पुरशासनादासादितवरेण, केरलभुवि द्विजकुले कृतजन्मना,

सङ्करनामधारिणा, विविधमायामहीयसा, पापीयसाऽनेनैव, वेदपदवी-
 
</p>
</page>