श्रीव्यासयोगिचरितम् /102

<page>
<ignore lang="sa">पष्ठोल्लासः
 
</ignore>
<heading lang="sa">॥ षष्ठोल्लासः ॥
 
</heading>
<verse lang="sa">अन्येद्युरेव नृपतिप्रहितः
 

पुरोधास्साकं प्रधानपुरुषैः सचिवैरुपेत्य ।
 

तं व्यासयोगिनममुं तपसां
 

निधानं व्यज्ञापयद्विनयभावविनम्रमौलिः ॥
 
</verse>
<p lang="sa">भगवन्निदानीं खलु–
 
</p>
<verse lang="sa">स तु नृपतिरमात्यैस्सार्धमास्थान-
 

मागाद्वलभिषु विशिखानां वैजयंत्यो निबद्धाः ।
 

तरलनवसुपुष्पास्सर्वतो राजमार्गा
 

गगनतलमशेषं गाहते तूर्यघोषः ॥
 
71
 
</verse>
<verse lang="sa">स्वामिन् भवंतं स्वयमद्य रत्नैराकांक्षते भूरमणोऽभिषेक्तुम् ।

कूटाग्रभागं कुलभूधरस्य प्रसूनजातैरिव पारिजातः ।
 
</verse>
<verse lang="sa">तं भक्तिपल्लवितमागमनोत्सवेन
 

स्वामिन् प्रसीद बहुमंतुमपारकीर्ते ।
 

पुष्पांजलि: प्रतिकलं भगवन्नरस्य
 

कोणेऽपि यः कलयते कुलदैवभावम् ॥
 
</verse>
<p lang="sa">एवंकारं तेन पुरोध : प्रधानेन
 
संप्रार्थ्यमानस्स भगवान्
 

व्यासतपोनिधिः क्षणं विचिंत्य भक्तवत्सलतया करुणामसृणहृदयः
 

सभाजिगमिषया मणिबृसीवरादुदस्थात् ।
 
</p>
<verse lang="sa">गोविंदतापसमुखैः कुशलाग्रगण्यैरंते

वसद्भिरखिलैरनुगम्यमानः ।
 

मन्दं मठात्स निरगाद्वदनारविंदा-
 

द्वेदैः पुरस्कृत इव प्रणवो विधातुः ॥
 
</verse>
</page>