श्रीमदमरचन्द्रयतिविरचिता काव्यकल्पलतावृत्तिः /116

2023-04-09 14:29:39 by ambuda-bot

This page has not been fully proofread.

F

and

काव्यकल्पलतावृत्तिः

सश्रीकाननरोचिष्णुः कान्तारचितवैभवः ।
अधिकासारसारश्रीविधुनीतश्रियं वहन् ॥ १६ ॥

इति वनसरोनद्याधारः ।

स्वर्णंस्थितिमनोहारो सदा नीरोचितस्थितिः ।
सज्जलक्षणविद्योती सदम्भस्थितिपेशलः ॥ १७ ॥

इति जलाधारः ।

सम्पन्नवेश्मनि स्थायी सदनस्थितिभासितः ।
सद्मनः स्थितिमुद्वित् सुशोभिनिलये स्थितः ॥ १८ ॥

इति गृहाधारः ।

अथाकारशब्दाः-
-

सद्वृत्ताभोगसंशोभी सर्वदारालसस्थितिः ।
उद्धरस्थितिविद्योती ह्यधिकं प्रांशुवैभवः ॥ १६ ॥
ऊर्मिमद्वैभवोद्भासी वक्राङ्गस्थितिशोभितः ।
सदैव तनुताभोगी नितान्तमणिमद्युतिः ॥ २० ॥
सदा तीव्रव्रतारोपी निशितारोचितस्थितिः ।
पृथुस्थितिमनोहारी स्फुरद्विपुलस्थितिः ॥ २१ ॥
अहो वामनताटोपः सदाऽखर्वतमस्थितिः ।
समहासङ्कटोल्लास: सम्बाधस्थितिमुद्वहन् ॥ २२ ॥
तरस्त्वरोचितौ भावबद्धतारोचितौत्तमः ।
वर्ण्यस्याकारशब्दानामेते योज्याः पुरो बुधैः ॥ २३ ॥

यथा स्थूलतरस्थितिः । महत्त्वरोचितस्थितिः । सुदीर्घंभावबहुश्रीः ।
सूक्ष्मतारोचितस्थितिः । गुरुतमस्थितिः ।

अथ क्रियाशब्दाः

-

सदा चटुलसल्लक्ष्मी रुच्चैस्तरलताऽन्वितः ।
अचलस्थितिविद्योती सदा स्थिरचितद्युतिः ॥ २४ ॥
प्रकाशयन् सदाध्वानमुच्चैः कलकलाऽन्वितः ।
साक्षाद्विपाटनाटोपः सत्वरोचितवैभवः ॥ २५ ॥
असौ पवित्रसल्लक्ष्मीः सज्जपावनवैभवः ।
अलं म्लानपदं बिभ्रनितान्तमलिनस्थितिः ॥ २६ ॥