2023-11-22 06:40:33 by sarmas
This page has not been fully proofread.
తనువిది నీ సేవలోనఁ దరియింపంగా
ధనమును నీ పూజలలో
ఘనముగ వెచ్చింపఁ జేయు కామారి! శివా! ॥ 65
శివయను రెండక్షరములు
భవతారక మంత్రమగుచు భద్రత గూర్చున్
శివయనునక్షరయుగ్మమె
భువి జనులకునయ్యె కల్పభూజమ్ము శివా! ॥66 ॥
హర హర యని కీర్తించిన
హరియింతువు పాతకముల నాక్షణముననే
హర! నీకు సాటి దైవము
ధరలో మరి కానరారు తథ్యమ్ము శివా! ॥ 67 ॥
పత్తిరిని పూజసేయగ
నత్తరి నీవిత్తువయ్య యణిమాదులనే
మత్తుడనై నీనామము
చిత్తములోఁదలఁచునన్ను ఁ జేకొనుము శివా! ॥ 68
గజముఖ షణ్ముఖ తనయుల
నిజపంచముఖత్వమెంచి నీరసపడకే
త్రిజగద్భూతంబులకును
నిజభోజనమెట్టులిత్తు నిఖిలేశ! శివా! ॥ 69॥
16
కం.
హాలాహల భక్షణమును
ఏలాగున చేసినావొ! ఏమా మర్మం-
బాలాఘవంబు నీకే
కం.
హేలాగతిఁ జెల్లెనయ్య హే నాథ! శివా! ॥ 70 ॥
సురలందరు సుధ గ్రోలియు
మరి మరి మరణించుచుంద్రు మరు కల్పములో
గరళము ద్రావియు నీవే
మరణింపక యుందువార! మారారి! శివా! ॥ 71 ॥
కం.
హర! హర! శంభో! యనఁగను
కం.
హరియింతువు పాతకముల నంతకహన్తా
హరనామ మంత్రజపమే
మరువక నేఁ జేయునట్లు మతినిమ్ము శివా! ॥ 72 ॥
కం.
బిట్టరచి నిన్నుఁ బిలువగ.
ఎట్టులనో అమ్మ వచ్చె యెంతటి చోద్యం
బిట్టులనబ్బుర పరచుచుఁ
దట్టుచు వామాంకమిడుము తల్లివిగ శివా! ॥73॥
సుందరము మణిద్వీపము
నందున్నది రత్నగృహము నందలి మంచం
బందున సుందర శివుఁడుగ
నందముగా నమ్మతోడ నగువడుము శివా! ।74॥
17