shivashatakamu /7

భువి భోగంబులు క్షణికము
 

లవి బుద్భుదములకరణిని నంతంబందున్

అవి నాకెందులకయ్యా !
 

ధవళంబగు ముక్తి నాకు దయచేయు శివా! ॥ 45 ॥
 

 
హర! హర! శంభో! యనగను
 

హరియింతువు పాతకముల నంతకహన్తా

హరనామ మంత్రజపమే
 

మరువక నే జేయునట్లు మతినిమ్ము శివా! ॥ 46 ॥
 

 
నేనే జన్మమునెత్తిన
 

నా నీదగు పాదభక్తి నందీయుమయా
 

దానను ముక్తిని పొందెద
 

నేనేమియుఁ గోరనయ్య నిజమిదియ శివా! ॥47 ॥
 

 
నిన్నెప్పుడుఁ గనునట్లుగ
 

కన్నీయుము తండ్రి నాకుఁ గారుణ్యముతో

కన్నది నిజమైనదిగా
రగడతద
 

మిన్నగ నేనెంతునయ్య మేనునను శివా! ॥ 48 ॥
 

 
ఎంగిలి మాంసము నీకే
 

భంగిని రుచియించెఁ జెప్పు భవ! పరమేశా!

వంగిన భక్తుల కీవే
 

వంగుదు వౌరౌర కరుణ వరదాఢ్య శివా! ॥ 49
 
12
 
కం.
 
కం.
 
కం.
 
కం.
 
కం.
 

 
 
తినుమని యెంగిలి పెట్టను
 

తనువిమ్మని యడుగనయ్య తమకము తోడన్

కనరమ్మని నిన్నడుగను
 

మనమున విశ్రాంతి గొనుము మాలింగ! శివా! ॥50
 
తా
 
ఱాలను రువ్వఁ జాలను
 

జాలను నే మొత్త నిన్ను జడమగు వింటన్

బేలగ నేమియునడుగను
 

హేలగ నాదం నీకు నిచ్చెదను శివా! ॥51॥
 

 
చన్నుగ నిన్నొకడెన్నెను
 

మిన్నగ తలపైన కొప్పు మీదట నొకడున్
 

నిన్నెన్నజాలరైరిగ
 

వెన్నుండును బ్రహ్మకూడ వేసారి శివా! ॥ 52 ॥
 

 
కూటికి నీచుల సేవల
 

నేటికి నియమించెదయ్య ఈశా! నీదా
 

చాటున బ్రతుకగనిమ్మా
 

దీటుగ పాదమ్మునిమ్ము తిరముగను శివా! ॥ 53॥
 

 
ఆదిమ భిక్షుడవీవుగ
 

నాదగు బిచ్చమ్ము గొనుము నామానసమున్

మీదుగఁ గట్టితి నీకై
 

నాదేమియుఁగానరాక నగధన్వ! శివా! ॥54 ॥
 
13