2023-04-14 11:22:05 by Ravindranatha Menon
This page has been fully proofread once and needs a second look.
शार्ङ्गधरपद्धतिः
511
सुरताय नमस्तस्मै जगदानन्दहेतवे ।
आनुषङ्गि फलं यस्य भोजराज भवादृशाः ॥ १८ ॥
उ
सरस्वतीकुटुम्बदुहितुः ।
सुरताय नमस्तस्मै जगदानन्दहेतव इति पादद्वयं समस्या ।
512
अतसीपुष्पसंकाशं खं वीक्ष्य जलदागमे ।
ये वियोगेपि जीवन्ति न तेषां विद्यते भयम् ॥ १९ ॥
मे
माघस्य ।
अतसीपुष्पसंकाशं न तेषां विद्यते भ
513
मम करग्रहणाय पणीकृतं
यदि न राघवतोप्यधिरोहति ।
सखि तदैवमभून्मम जीवितं
शशकशृङ्गमयं कठिनं धनुः ॥ २० ॥
कस्यापि ।
शशकशृङ्गमयं क
कस्यापि ।
-------------
अथ प्रहेलिकापह्नुतिकूटाख्यानम् ॥ ३३ ॥
514
अपदो दूरगामी च साक्षरो न च पण्डितः ।
अमुखः स्फुटवक्ता च यो जानाति स पण्डितः ॥ १ ॥
कस्यापि ।
अत्र लेखपत्रं प्रकटीकृतम् ।
515
वने जाता वनं त्यक्त्वा वने तिष्ठति नित्यशः ।
पण्यस्त्री न च सा वेश्या यो जानाति स पण्डितः ॥ २ ॥
कस्यापि ।
अत्र नौका प्रकटीकृता नागवल्ली च ।