शार्ङ्गधरपद्धतिः /706

2023-02-25 06:20:51 by ambuda-bot

This page has not been fully proofread.

विदेहमुक्तिकथनम्

4604

उत्थाप्य भुजगीं शक्ति मूलवातैरधःस्थिताम् ।
सुषुम्णान्तर्गतां पञ्चचक्राणां मेदिनीं शिवाम् ॥ १४ ॥

4605

जीवं हृदाश्रयं नीत्वा यान्तीं बुद्धिं मनोयुताम् ।
सहस्रदलपद्मस्थशिवे लीनां सुधामये ॥ १५ ॥

4606

पीत्वा सुधाकरोद्भूतममृतं तेन मूलतः ।

सिञ्चन्तीं सकलं देहं प्लावयन्तीं विचिन्तयेत् ॥ १६ ॥

4607

तया सार्धं ततो योगी शिवेनैकात्मतां व्रजेत् ।
परानन्दमयो भूत्वा चिद्वृत्तिमपि संत्यजेत् ॥ १७ ॥

4608

ततो लक्ष्यमनाभास महंभावविवर्जितम् ।
सर्वाङ्गकल्पनाहीनं कथं कालो निहन्ति तम् ॥ १८ ॥

4609

स एव कालः स शिवः स सर्व नापि किंचन ।
कः केन हन्यते तत्र म्रियते नापि कञ्चन ॥ १९ ॥

4610

ततो व्यतीते समये कालस्य भ्रान्तिरूपिणः ।

योगी सुप्तोत्थित इव प्रबोधं याति बोधितः ॥ २० ॥

६९१

4611

एवं सिद्धो भवेद्योगी वञ्चयित्वा विधानतः ।
कालं कलितसंसार पौरुषेणाद्भुतेन हि ॥ २१ ॥

4612

ततस्त्रिभुवने योगी विचरत्येक एव सः ।

पश्यन्संसारवैचित्र्यं स्वेच्छया निरहंकृतिः ॥ २२ ॥