शार्ङ्गधरपद्धतिः /524
This page has not been fully proofread.
नायकस्या दूत्युक्तिः
अथ नायकस्याग्रे दूत्युक्तिः ॥ १०७ ॥
3473
सा सुन्दर तव विरहे सुतनुरियन्मात्रलोचना सपदि ।
एतावतीमवस्थां याता दिवसैरियन्मात्रैः ॥ १ ॥
रुद्रस्य ।
3474
अङ्गेनङ्गज्वरहुतवहश्चक्षुषि ध्यानमुद्रा
कण्ठे जीवः करकिसलये दीर्घशायी कपोलः ।
अंसे वेणी कुचपरिसरे चन्दनं वाचि मौनं
तस्याः सर्वे स्थितमपि न तु त्वां विना कापि चेतः ॥ २ ॥
क्षेमेन्द्रस्य ।
3475
गृहीतं ताम्बूलं परिजनवचोभिः कथमपि
स्मरत्यन्तः शून्या सुभग विरतायामपि निशि ।
तथैवास्ते हस्तः कलितफणिवल्ली किसलय
स्तथैवास्यं तस्याः क्रमुकफलफालीपरिचितम् ॥ ३ ॥
बिल्हणस्य ।
3476
कुसुमशयनेप्यङ्गं ताम्यत्यनङ्गविवर्तन
वदनपवनैः श्यामच्छायो बभूव सखीजनः ।
हृदयनिहितः शीतो लेपछमीति रवं करो-
त्यहह कठिनावस्था तस्यास्त्वयैवमुपेक्ष्यते ॥ ४ ॥
कस्यापि ।
५०९
3477
गलत्येका मूर्छा भवति पुनरन्या यदनयोः
किमप्यासीन्मध्ये सुभग सकलायामपि निशि ।
लिखन्त्यास्तत्तस्याः कुसुमशरलेखं तव कृते
समाप्ति स्वस्तीति प्रथमपदभागोपि न गतः ॥ ५ ॥
कस्यापि ।
अथ नायकस्याग्रे दूत्युक्तिः ॥ १०७ ॥
3473
सा सुन्दर तव विरहे सुतनुरियन्मात्रलोचना सपदि ।
एतावतीमवस्थां याता दिवसैरियन्मात्रैः ॥ १ ॥
रुद्रस्य ।
3474
अङ्गेनङ्गज्वरहुतवहश्चक्षुषि ध्यानमुद्रा
कण्ठे जीवः करकिसलये दीर्घशायी कपोलः ।
अंसे वेणी कुचपरिसरे चन्दनं वाचि मौनं
तस्याः सर्वे स्थितमपि न तु त्वां विना कापि चेतः ॥ २ ॥
क्षेमेन्द्रस्य ।
3475
गृहीतं ताम्बूलं परिजनवचोभिः कथमपि
स्मरत्यन्तः शून्या सुभग विरतायामपि निशि ।
तथैवास्ते हस्तः कलितफणिवल्ली किसलय
स्तथैवास्यं तस्याः क्रमुकफलफालीपरिचितम् ॥ ३ ॥
बिल्हणस्य ।
3476
कुसुमशयनेप्यङ्गं ताम्यत्यनङ्गविवर्तन
वदनपवनैः श्यामच्छायो बभूव सखीजनः ।
हृदयनिहितः शीतो लेपछमीति रवं करो-
त्यहह कठिनावस्था तस्यास्त्वयैवमुपेक्ष्यते ॥ ४ ॥
कस्यापि ।
५०९
3477
गलत्येका मूर्छा भवति पुनरन्या यदनयोः
किमप्यासीन्मध्ये सुभग सकलायामपि निशि ।
लिखन्त्यास्तत्तस्याः कुसुमशरलेखं तव कृते
समाप्ति स्वस्तीति प्रथमपदभागोपि न गतः ॥ ५ ॥
कस्यापि ।