शार्ङ्गधरपद्धतिः /122

2023-02-25 06:19:19 by ambuda-bot

This page has not been fully proofread.

धर्मविवृतिः

अर्थाः स्त्रियश्च निपुणैरिह सेव्यमाना
नैवात्मभावमुपयान्ति न च स्थिरत्वम् ॥ १४ ॥

कस्यापि ।

679

यावत्स्वस्थमिदं शरीरमरुजं यावज्जरा दूरतो
यावच्चेन्द्रियशक्तिरप्रतिहता यावत्क्षयो नायुषः ।
आत्मश्रेयसि तावदेव विदुषा कार्यः प्रयत्नो महा-
न्संदीप्ते भवने तु कूपखननं प्रत्युद्यमः कीदृशः ॥ १५॥

भर्तृहरेः ।

680

धर्माज्जन्म कुले शरीरपटुता सौभाग्यमायुर्धनं
धर्मेणैव भवन्ति निर्मलयशोविद्यामहीसंपदः ।
कान्तारेषु महाभयेषु सततं धर्मः परित्रायते

धर्मः सम्यगुपासितो भवति हि स्वर्गापवर्गप्रदः ॥१६॥

कस्यापि ।

681

यन्नागा मदभिन्नगण्डकरटास्तिष्ठन्ति निद्रालवो
द्वारे हेमविभूषिताश्च तुरगा द्वेषन्ति यद्दर्पिता: ।
वीणावेणुमृदङ्गशङ्खपणवैः सुप्तञ्च यद्बोध्यते
तत्सर्व सुरलोकराजसदृशं धर्मस्य विस्फूर्जितम् ॥ १७ ॥

कस्यापि ।

१०७

682

गोदे कुरुक्षेत्रे विश्रान्तौ मणिकर्णिके ।

वेण्यां गयायामकारे खात्वा दत्वा सुखी भवेत् ॥ १८ ॥

683

शरणागतरक्षार्थ स्त्रीगोविजहिताय च ।

स्वाम्यर्थे यस्त्यजेत्प्राणांस्तस्य लोकाः सनातनाः ॥ १९ ॥

684

यो न कामाच संरम्भान्न द्वेषाद्धर्ममुत्सृजेत् ।

यथोक्तकारी सौम्यश्च स सुखं मृत्युमृच्छति ॥ २० ॥