सौन्दर्यलहरी लक्ष्मीधरव्याख्यासहिता /82

← | →

2025-12-27 20:20:13 by ramesh1805

This page has not been fully proofread.

<page>
<p lang="sa">सौन्दर्यलहरी सब्याख्या
 
</p>
<p lang="sa">अनेन 'क्वणत्काञ्चीदामा' इति 'सुधासिन्धोर्मध्ये' इति च श्लोकद्वयमेकीकृत्य

व्याख्यातमित्यवगन्तव्यम् ॥
 
</p>
<verse lang="sa">महीं मूलाधारे कमपि मणिपूरे हुतवहं

स्थितं स्वाधिष्ठाने हृदि मरुतमाकाशमुपरि ।

मनोऽपि भ्रमध्ये सकलमपि भिवा कुलपथं

सहस्रारे पद्मे सह रहसि पत्या विहरसे ॥ ९ ॥
 
</verse>
<p lang="sa">महीं पृथिवीतत्त्वं, मूलाधारे मूले गुदस्थाने सर्वाधारभूतं चक्रं

मूलाधारभूतमिति, तस्मिन् मूलाधारे ।
 
</p>
<p lang="sa">सर्वांधारा मही यस्मात् मूलाधारतया स्थिता ।

तदभावे तु देहस्य पातः स्यादुद्गमोऽपि वा ।
 
</p>
<p lang="sa">इति रुद्ररहस्ये । पृथिवीतत्त्वात्मकस्य मूलाधारस्याभावे देह ऊर्ध्व

बा गच्छेत्, अघो वा पतेदित्यर्थः । कं उदकतत्त्वम् । अपिशब्दः

स्वाधिष्ठानोक्तवह्निं समुच्चिनोति । मणिपूरे मणिपूरचक्रे, यत्र स्थिता

भगवती मणिभिः तत्प्रदेशं पूरयति, स देशो मणिपूरः । समयिनां आन्तर-

पूजावसरे तृतीयकमले नानाविधमणिगणखचितभूषणार्पणं देव्याः कर्तव्यमिति

रहस्यम् । हुतवहं अग्नितत्त्वम्, स्थितं प्रतिष्ठितं, स्वाधिष्ठाने स्वाधिष्ठाननामके

चक्रे, कुण्डलिन्याः भगवत्याः `स्वयमधिष्ठाय प्रन्थि कृत्वा अवस्थानं

स्वाधिष्ठानम् । यथोक्तं योगदीपिकायाम्-

रुद्रग्रन्थिरयं शक्तेः स्वाधिष्ठानाग्रसीमनि ॥ इति ॥
 
</p>
<p lang="sa">1 स्वेच्छयाधिष्ठाय
 
</p>
<p lang="sa">_CC-0. Jangamwadi Math Collection. Digitized by eGangotri
 
</p>
</page>