रामचरितम् /51

द्वितीयः सर्गः ।
 
आततान गगनाङ्गणाधिकैर्मेदिनीममृतवर्षिभिर्विधुः ।
विप्रयुक्तजनधूमकेतुभिः केतकाग्रशुचिभिर्मरीचिभिः ॥ ९४ ॥
 
सैङ्कुचद्भिरभिरामताधिके साधु चन्द्रमसि पुष्करैः कृतम् ।
उद्यता जयिनि कामिनीमुखे तेन साहसमनुष्ठितं पुनः ॥ ९५ ॥
 
उच्चखान रुषमुच्चमण्डलः खण्डनामगमयद्विषह्यताम् ।
मानपङ्कमपनीय कामिनीः कान्तहस्तमनयन्निशापतिः ।। ९६ ॥

व्यक्तवर्त्मबिलवाहिनीवनग्रामगुल्मगहनाद्रिभेदया ।

सौम्यताधिकविशेषयाऽजनि ज्योत्स्नया दिवसनिस्पृहो जनः ॥ ९७ ॥
 
पीयते स्म कुमुदं न लोचनैश्चन्द्रिका तपति रोहितच्छदम् ।
प्रादुरास परमुत्पिबन्नलि: सौरभं निरवलम्बमम्बुनि ॥ ९८ ॥

एकिकेव निजबृन्दमध्यगाऽप्युच्चुकूज सभया सितच्छदी।
दन्तमूलमसकृच्च संशयादाममर्श करिणः करेणुका ॥ ९९ ॥

केतकीषु कदलीषु वालुकास्वश्मसु स्फुटितकैरवेऽम्भसि ।
लम्भितेव लहरीपरम्परामुल्ललास शशिकान्तिवाहिनी ॥ १०० ।।

प्राप्तसूक्ष्मघनपल्लवान्तरैश्चित्रिताः शशिकरैरितस्ततः ।
बिभ्रति स्म तरुमूलशायिनः शम्बराः पृषतयूथविभ्रमम् ।। १०१ ॥

कृच्छ्रलब्धनगशृङ्गसन्धयो दत्तमन्मथजयाभिसन्धयः ।
मैथिलीतरवधूदुरासदं राघवाङ्कमविशन् शशित्विषः ॥ १०२ ॥

जागर्षि काश्मरि निषीदसि कोविदार

कुत्रासि वत्स कृतमाल तमाल पश्य ।
किं वर्तते रघुपतेरिति सत्वराभि-
रुक्तं द्रुमघमवलोक्य वनस्थलीभिः ।। १०३ ॥

अन्योन्यदूरपरिषक्तविशालसान्द्र-
शाखाशतैस्तरुभिरन्तर्रयांबभूवे ।
उद्भूतधोरविरहज्वरलङ्घितस्य

चन्द्रातपः स खलु दाशरथेरपथ्यः || १०४ ||
 
१. A. सत्कुचद्भि २. C. ब | ३. B.C. दि । ४ A. दा । ५. A. रब्ध। ६. A, रुत्त ।
 
ॐ