न्यायकोशः /1111
This page has been fully proofread once and needs a second look.
१०५७
( जनकवादिकम् ) तदवच्छेदकधर्मवत्त्वम् । यथा अर
ण्यस्थस्यापि दण्डस्य घटं प्रति जनकत्वं स्वरूपयोग्यत्वम् ( सि० च० १
पृ० २० ) । अत्र च अरण्यस्थदण्डस्यापि घटकारणतायामवच्छेदकी-
भूतदण्डत्ववत्त्वात्स्वरूपयोग्यत्वरूपं जनकत्वं युज्यत इति बोध्यम् । यथा
वा परमाणुवृत्तिरूपादेश्चक्षुरविषयत्वेपि चक्षुर्विषयत्वस्वरूपयोग्यत्वम् ।
दर्जन्यज्ञान विषयत्वावच्छेद की भूतधर्मवत्त्वम् इति । स च धर्मोत्र
रूपत्वम् । तच्च परमाणुवृत्तावपि रूपादौ वर्तत इति सर्वे सुस्थम् ।
<स्वरूपलक्षणम्
स्वरूपान्तर्गतत्वे सति व्यावर्तकम् ( सर्व० सं० yo
४६६ शां० ) ।
<स्वरूपसंबन्धः
संबन्धान्तरेण विशिष्टप्रतीतिजननायोग्यत्यम् (चि० १) ।
यथा भूतले घटो नास्ति इत्यादौ घटाभावादेर्भूतलेन संबन्धः । स
द्विविधः केवलस्वरूपः विशेषणता चेति । तत्रायो भावाभावान्यतर-
प्रतियोगिकः । यथा आधेयत्वप्रतियोगित्वादीनां संबन्ध: । द्वितीय-
स्त्रिविधः दैशिकविशेषणता दिक्कृत विशेषणता कालिक विशेषणता चेति ।
तत्राद्यश्चाभावमात्रप्रतियोगिकः । यथा भूतलादिना घटाभावादीनां
संबन्धः । द्वितीयतृतीयौ तु दिक्कालानुयोगिकौ जन्यमात्रप्रतियोगिकौ च ।
यथा गन्धघटादीनां संबन्धौ दिक्कालाभ्याम् इति । इमावेव सर्वाधारता -
प्रयोजकसंबन्धौ इति जेगीयेते ( त० दी० १ कालनि० १० १० ) ।
अत्राहुः । स्वरूपसंबन्ध इत्यस्य अनुयोगिप्रतियोग्यन्यतरस्वरूपः संबन्ध-
विशेषः इत्यर्थः । यद्वा स्वरूपसंबन्धो धर्मिद्वयात्मकः । अथ वा ष-
पदार्थातिरिक्तः भावरूपः पदार्थविशेषः वरूपसंबन्धः इति ।
<स्वरूपासिद्धः
( हेत्वाभासः ) [ क ] यो हेतुराश्रये नावगम्यते सः ।
•
यथा सामान्यमनित्यं कृतकत्वात् इत्यादौ कृतकत्वं स्वरूपासिद्धम् । अत्र
कृतकवं हेतुराश्रये सामान्ये नास्ति ( त० भा० ३० पृ० ४५) ।
यथा वा शब्दो गुणश्चाक्षुषत्वात् इत्यादौ चाक्षुषत्वं स्वरूपासिद्धम् । अत्र
•
चाक्षुषत्वं शब्दे पक्षे नास्ति शब्दस्य श्रावणत्वात् इति चाक्षुषत्व स्वरूपा-
•
सिद्धं भवति इति ज्ञेयम् ( त० सं० ) । अयमेव हेतुः शुद्धासिद्धः
१३३ न्या० को०