नराभरणम् /21

2025-12-11 04:59:15 by akprasad

This page has been fully proofread once and needs a second look.

<page>
<verse lang="sa" text="A" n="71">हंसो विभाति सरसीरुहबृन्दमध्ये

सिंहो विभाति हिमवगिरिगह्वरेषु ।

जात्यो विभाति तुरगो रणरङ्गमध्ये

विद्वान् विभाति पुरुषेषु विचक्षणेषु ॥ ७१ ॥

</verse>
<verse lang="sa" text="A" n="72">किं केतकी फलति किं पनसस्य पुष्पं

किं नागवल्लयपि तु पुष्पफलैरुपेता ।

कस्यापि कोऽप्यतिशयोऽस्ति न ( स?) येन सद्भिः

सङ्ग्रा(गृ?)ह्यते जगति याति यतः प्रतीतिः (तिम्?) ॥ ७२ ॥

</verse>
<verse lang="sa" text="A" n="73">विद्वानेव विजानाति विद्वज्जनपरिश्रमम् ।

न हि वन्ध्या विजानाति गुर्वी प्रसववेदनाम् ॥ ७३ ॥

</verse>
<verse lang="sa" text="A" n="74">अल्पीयसामेव हि जन्मभूमेः

त्यागप्रमादो विदुषां न चास्ति ।

अब्धेरुपेता मणयो भजन्ते

राज्ञां शिरः काकमुखानि भेकाः ॥ ७४ ॥

</verse>
<verse lang="sa" text="A" n="75">अन्तस्सन्तोषचित्तानां संपदस्ति पदे पदे ।

अन्तर्मलिनचित्तानां सुखं स्वप्नेऽपि दुर्लभम् ॥ ७५ ॥

</verse>
<verse lang="sa" text="A" n="76">नक्रस्स्वस्थानमासाद्य गजेन्द्रमपि कर्षति ।

स एव प्रच्युतस्स्थानात् शुनापि परिभूयते ॥ ७६ ॥

</verse>
<verse lang="sa" text="A" n="77">पुत्रं च धर्मविमुखं भार्यां चाप्रियवादिनीम् ।

अब्रह्मण्यं च राजन्यं त्यजेत्सद्योऽन्यथा पतेत् ॥ ७७ ॥</verse>
</page>