<page>
<verse lang="sa"
<verse text="A" n="35" lang="sa">प्रसादो निष्फलो यस्य कोपश्चास्ति निरर्थकः ।

न तं भर्तारमिच्छन्ति षण्डं पतिमिव स्त्रियः ॥ ३५ ॥</verse>
<verse lang="sa"
<verse text="A" n="36" lang="sa">सविघेधे निवसेन्मुहुर्बुधानां मतिमन्दोऽपि भवेदगाधसत्त्वः ।

मलयाचलकल्पिताधिवासः पिचुमन्दोऽपि पटीरतां प्रयाति ॥ ३६ ॥</verse>
<verse lang="sa"
<verse text="A" n="37" lang="sa">महान्त एव तुष्यन्ति सदुक्त्या सारवेदिनः ।

स्वल्पाः कूपाः प्रवर्धन्ते ज्योत्स्नया किं समुद्रवत् ॥ ३७ ॥</verse>
<verse lang="sa"
<verse text="A" n="38" lang="sa">अपि सर्वविदो न शोभते वचनं श्रोतरि बोधवर्जिते ।

परिणेतरि नष्टलोचने सफलः किन्नु कलत्रविभ्रमः ॥ ३८ ॥</verse>
<verse lang="sa"
<verse text="A" n="39" lang="sa">अव्युत्पन्ने श्रोतरि वक्तृत्वमनर्थकं पुंसाम् ।

नेत्रविहीने भर्तरि लावण्यमनर्थकं स्त्रीणाम् ॥ ३९ ॥</verse>
<verse lang="sa"
<verse text="A" n="40" lang="sa">यो यत्र सततं भुङ्क्ते यत्र याति निरन्तरम् ।

स तत्र लघुतामेति बृहस्पतिसमो बुधः ॥ ४० ॥</verse>
<verse lang="sa"
<verse text="A" n="41" lang="sa">नाभ्युत्थानक्रिया यत्र नालापो मधुराक्षरम् ।

गुणदोषकथा नैव स स्वर्गोऽपि न गम्यताम् ॥ ४१ ॥</verse>
<verse lang="sa"
<verse text="A" n="42" lang="sa">अहो दुर्जनसर्पस्य सर्पस्य महदन्तरम् ।

कर्णमन्यस्य दशति अन्यः प्राणैः वियुज्यते ॥ ४२ ॥</verse>
<verse lang="sa"
<verse text="A" n="43" lang="sa">करोति स्वमुखेनैव बहुधान्यस्य खण्डनम् ।

नमः पतनशीलाय खलाय मुसलाय च ॥ ४३ ॥</verse>
<verse lang="sa"
<verse text="A" n="44" lang="sa">उच्चासनगतो नीचः नीच एव न चोत्तमः ।

प्रासादशिखरस्थोऽपि काकः किं गरुडायते ॥ ४४ ॥</verse>

</page>