नराभरणम् /13

<page>

<title lang="sa" text="A" lang="sa">॥ नराभरणम्* ॥</title>
<verse lang="sa"
<verse text="A" n="1" lang="sa">स्वहस्ते नाचरेद्दानं परहस्तेन मर्दनम् ।

भार्या हस्तेन ताम्बूलं मातृहस्तेन भोजनम् ॥ १ ॥</verse>
<verse lang="sa"
<verse text="A" n="2" lang="sa">नरस्याभरणं रूपं रूपस्याभरणं गुणः ।

गुणस्याभरणं ज्ञानं ज्ञानस्याभरणं क्षमा ॥ २ ॥</verse>
<verse lang="sa"
<verse text="A" n="3" lang="sa">न्यायो राजविभूषणं वितरणं पाणिद्वयोर्भूषणं

लज्जा स्त्रीजनभूषणं सरसता सख्युस्सदा भूषणम् ।

विद्या विप्रविभूषणं हरिकथा श्रोत्रद्वयोर्भूषणं

सत्पुत्रः कुलभूषणं सुकविता वाचस्सदा भूषणम् ॥ ३ ॥</verse>
<verse lang="sa"
<verse text="A" n="4" lang="sa">नभोभूषा पूषा कमलवनभूषा मधुकरो

वचोभूषा सत्यं वरयुवतिभूषा सुगुणता ।

मनोभूषा मैत्री मधुसमयभूषा मधुभृतः

सतां भूषा शान्तिः सकलजनभूषा वितरणम् ॥ ४ ॥</verse>
<verse lang="sa"
<verse text="A" n="5" lang="sa">असम्पन्नः कथं बन्धुरसहिष्णुः कथं प्रभुः ।

अनात्मवित्कथं विद्वान् असन्तुष्टः कथं सुखी ॥ ५ ॥</verse>
<verse lang="sa"
<verse text="A" n="6" lang="sa">शाठ्येन मित्रं कलुषेण धर्मं परावमानेन समृद्धिभावम् ।

सुखेन विद्यां परुषेण नारीं वाञ्छन्ति ये नूनमपण्डितास्ते ॥ ६ ॥</verse>
<verse lang="sa"
<verse text="A" n="7" lang="sa">दरिद्रस्य द्विभार्यत्वं पथि क्षेत्रं द्विधा कृषिः ।

प्रातिभाव्यं च साक्षित्वं पञ्चानर्थास्स्वयंकृताः ॥ ७ ॥</verse>

<footnote lang="sa" text="A" mark="*" lang="sa">मद्रपुरी- राजकीयकोशागारस्थमातृकातः । इदमपि नानाकविकृतिभ्यः संकलितम् ।</footnote>

</page>