2023-07-13 10:21:47 by Bharadwajraki
This page has been fully proofread once and needs a second look.
५०
नीलकण्ठविजये सव्याख्याने
अनाकांक्ष्य वैनीतकानयनं, अघिङ्घ्रिभ्यामेव परिक्रामन्, अनाकर्णयन्त्रि-
निवृत्तिविज्ञापनान्यध्वनि मिळतां सैनिकानां, आकुञ्चिताभ्यां श्रृभ्रूलताभ्या-
माकम्पितेन'[^१] च मुखेन केवलमाकर्णयन्वचनानि चारामांणां, सिंहपोत-
मिव अतिसम्भ्रमोपसृत्वरमनिवर्त्यसमरसंरम्भमग्रत एव चलन्तमात्मजं
जयन्तमवरुध्य शपथशतःतैः अन्तःपुररक्षणाय निवेशयन्त्रानालयद्वारि,
निस्सरन् बहिस्ततोऽपि, अतित्वरितमालयबाह्यकक्ष्यासमानीतामाबध्य
[commentary]
मपि । "परम्परावाहनं यत्तद्वैनीतकम क्रमस्त्रियाम्" इत्यमरः । अनाकांक्ष्य । अङ्-
घ्रिभ्यामेव परिक्रामन्, अध्वनि मिळतां पुञ्जीभवतां सैनिकानां । निवृत्तिफलकानि
विज्ञापनानि प्रार्थनाः, अनाकर्णयन्, आकुञ्चिताभ्यां ग्रथिताभ्यां भ्रूलताभ्यां
आकुञ्चितेनेषन्नमितेन मुखेनोपलक्षितः, चाराणां केवलं तेषामेवेत्यर्थः । वचनानि
आकर्णयन् । सिंहपोतमिव । अतिसम्भ्रमेण अतित्वरया, उपसृत्वरं[^२] समीपं
प्रत्यागतम् । अनिवर्त्यः अनिवार्यः, समरे संरम्भः उद्योगो, यस्य स तथाभूतम्,
अग्रत एव चलन्तं गच्छन्तमात्मजं पुत्रं, जयन्तं, शपथा:थाः समयबन्धाः, तेषां शतैः,
अवरुध्य निरुध्येत्यर्थः। अन्तः पुररक्षणाय आलयस्य द्वारि द्वारे । "स्त्री द्वार्द्वारं
प्रतीहार : रः" इत्यमरः । निवेशयन् स्थापयन् । ततोऽपि बहिर्निस्सरन् गच्छन्,
आलयस्य गृहस्य, बाह्यायां कक्ष्यायां अळिन्दनाम्नि द्वारप्रकोष्ठभागे, समानीतां
कक्ष्यां कच्छपुटापरपर्यायां काञ्चीं। "कक्ष्या प्रकोष्ठे हर्म्यादेः काञ्च्यां मध्येभ-
बन्धने" इति नानार्थेऽमरः । अतित्वरितं क्षिप्रं, आवबध्य मध्यप्रदेशमावेष्टट्ये-
त्यर्थः । आद्यवीथीमुखे उपनीतां दम्भोळिं वज्रमादाय, अर्धपथे 3[^३] अर्धमार्गे
उपनीतं वारवाणं कञ्चुकमवमुच्य धृत्वा । "कञ्चुको वारवाणोऽस्त्री" इत्यमरः ।
,
1.
[^१] 'आकुञ्चितेन' इति व्याख्यात्रादृतः पाठः ।
2.
[^२] 'इण्नश्जिसर्तिभ्यः कक्वरप्' (पा. सू. 3-2-163३.२.१६३) इत्यनेन उपपूर्वकात् सतें:
कर्तेः क्वरपि, तस्य पित्कृत्वात् 'हह्रस्वस्य पिति कृति तुक्' (पा. सू. 6-1-71६.१.७१) इत्यनेन तुकि
रूपमिदम् । कित्त्वात् क्वरप: 'किङतिक्ङिति च' (पा.सू. 1-1-5१.१.५) इति धातोरन्त्यस्य 'सार्व-
धातुकार्धधातुकयो: योः" (पा. सू. 7-3-84७.३.८४) इति गुणाभावः ॥
.
3.
[^३] पथोऽर्धम् इति विप्ग्रहे, "अर्धधं नपुंसकम्" (पा. सू. 2-2-2 २.२.२) इति समासे,
'ऋक्पूरब्धू:धूः पथामानक्षे" (पा. सू. 5.4-74५.४.७४) इति पथः समासान्ते अप्रत्यये अकारान्तः
अर्धपथशब्दः । अ+अनक्षे इति च्छेदशदात्, "अच्प्रत्यन्ववपूर्वात्सामलोम्नः" (पा.सू.
5-4-75 ५.४.७५) इत्युत्तरसूत्र एव अच्प्रत्ययस्य विधेयत्वेन निर्देशात् पथ: समासान्तः अप्रत्यय
एव, नतु अच् इति विवेक्तव्यम् ॥
66