2023-04-17 07:56:58 by Padmavati
This page has been fully proofread once and needs a second look.
यज्वपत्न्युद्धरणवर्णनम् ।
करुणाशिशिरो हरे ! हर त्वरया मे सकलामयावलिम् ॥ ११ ॥
इतीति । करुणया भक्तवात्सल्येन शिशिर आर्द्रहृदयः ॥ ११ ॥
इति गोपीवस्त्रापहारवर्णनं षष्टितमं दशकं सैकम् ।
२१५
ततश्च बृन्दावनतोऽतिदूरतो वनं गतस्त्वं खलु गोपगोकुलैः ।
हृदन्तरे भक्ततरद्विजाङ्गनाकदम्बकानुग्रहणाग्रहं वहन् ॥ १ ॥
तत इति । बृन्दावनतो बृन्दावनादतिदूरतोऽतिदूरे ॥ १ ॥
ततो निरीक्ष्याशरणे वनान्तरे किशोरलोकं क्षुधितं तृषाकुलम् ।
अदूरतो यज्ञपरान् द्विजान् प्रति व्यसर्जयो दीदिवियाचनाय तान् ॥
तत इति । अशरणे गृहरहिते किशोरलोकं बालजनं तृषा पिपासया
क्षुधा चाकुलम् । अ
ज्ञानविमुखान् दीदिवियाचनायान्नयाचनाय तान् गोपान् व्यसर्जयः प्रेषयामा-
सिथ ॥ २ ॥
गतेष्वथो तेष्वभिधाय तेऽभिधां कुमारकेष्वोदनयाचिषु प्रभो ! ।
श्रुतिस्थिरा अप्यभिनिन्युरश्रुतिं न किञ्चिदूचुश्च महीसुरोत्तमाः ॥ ३ ॥
गतेष्विति । तेऽभिधां कृष्णो व ओदनं याचत इति तव नामाभिधाय ।
श्रुतौ स्थिरा निश्चितबुद्धयोऽप्यश्रुतिं श्रवणाभावमभिनिन्युरभिनीतवन्तः । महीसुरो-
त्तमा ब्राह्म
अनादरात् खिन्नधियो हि बालकाः समाययुर्युक्तमिदं हि यज्व
चिरादभक्ताः खलु ते महीसुराः कथं हि भक्तं
अनादरादिति । यज्वसु यायजूकेष्विदमर्थिनिराकरणं युक्तम् । भक्त-
मन्नम् ॥ ४ ॥