2023-02-18 17:19:55 by Alok Kumar
This page has been fully proofread once and needs a second look.
MADHURAVIJAYAM
<flag>मनोभवमहीदुर्गैर्भैहिता</flag> केलिपर्वतैः ॥ ४८ ॥
कमलामोदमधुरैः कलहंसकुलाकुलैः ।
क्रीडासरोभिः सहिता मणिसोपानमञ्जुलैः ॥ ४९ ॥
यशस
यशस्स्तोमैरिवाशेषनगरीविजयार्जितैः ।
सौ
विकसद्वनितावल्लीविलासवनवाटिका ।
दक्षिणाशासरोजाक्षीफाललीलाललाटिका ॥ ५१ ॥
द्विजराजसमुल्लास
गन्धर्वगण
भुजङ्गसङ्घसंवासभूतेशमुकुटस्थली ।
सुमनस्तोमसंचारसुवर्णगिरिमेखला ॥ ५३ ॥
लीलेव दिष्टिवृद्धीनां शालेव सकलश्रियाम् ।
मालेव सर्वरत्नानां वेलेव सुकृताम्बुधेः ॥ ५४ ॥
( द्वादशभिः कुलकम् । )
यस्यां प्रासादशृङ्गेषु लग्नं मार्ताण्डमण्डलम् ।
संधत्ते वीक्षमाणानां सौवर्णकलशभ्रमम् ॥ ५५ ॥
यत्सौधचन्द्रशालासु विहरन्त्यो मृगेक्षणाः ।
शशाङ्कमवलम्बन्ते मुक्ताकन्दुकशङ्कया ॥ ५६ ॥
यत्र सौधेषु सङ्गीतमृदङ्गप्रतिनादिषु ।
अकाण्डे ताण्डवारम्भं वितन्वन्ति शिखण्डिनः ॥ ५७ ॥