2023-02-17 12:58:37 by ambuda-bot
This page has not been fully proofread.
१०
कुवलयानन्दः । [ उपमयापमालकार: २
स्वेन साधर्म्य नान्वेतीति व्युत्पत्तेः । अनन्वयिनोऽप्यर्थस्याभिधानं सहशा-
' न्तरव्यवच्छेदेनानुपमत्वद्योतनाय । इन्दुरिन्दुरिव श्रीमानित्युक्ते श्रीमत्वेन
चन्द्रस्य नान्यः सदृशोऽस्तीति सदृशान्तरव्यवच्छेदो लक्ष्यते । ततश्च स्वेनापि
सादृश्यासंभवादनुपमेयत्वे पर्यवसानम् ॥ यथावा-
गगनं गगनाकारं सागरः सागरोपमः ।
रामरावणयोर्युद्धं रामरावणयोरिव ॥
पूर्वोदाहरणे श्रीमत्वस्य धर्मस्योपादानमस्ति । इह तु गगनादिषु वैपुल्या-
देर्धर्मस्य तन्नास्तीति विशेषः ॥ १० ॥
उपमेयोपमालंकारः ३
पर्यायेण द्वयोस्तश्चेदुपमेयोपमा मता ।
धर्मोऽर्थ इव पूर्णश्रीरर्थो धर्म इव त्वयि ॥ ११ ॥
-
नान्वेतीति ॥ न संबध्यत इत्यर्थः । साधर्म्यस्य भेदघटितत्वादिति भावः । नन्वेवं
सत्यसंबद्धप्रलापत्वापत्तिरित्यत आह
- अनन्वयिनोऽपीति ॥ बाधितस्यापी-
त्यर्थः । अर्थस्य साधर्म्यस्य । अभिधानमाहार्यारोपरूपतया प्रतिपादनं । सदृशान्त-
रव्यवच्छेदेन सदृशान्तरव्यावृत्तिबोधद्वारेण । एतदेव विशदयति- इन्दुरित्या-
दिना ॥ इत्थंच सदृशान्तरव्यावृत्तिसूचनद्वारानुपम त्वयोतनरूपप्रयोजनवत्त्वादा-
पाततो रुद्ररोदनार्थवादवद्वारमात्रतया सादृश्यप्रतिपादनेऽपि नासंबद्धप्रलापता-
पत्तिरिति भावः । उदाहरणान्तरमाह - यथावेति ॥ गगनाकारं गगनसदृशम् ।
इवेत्यतः प्राक् युद्धमित्यध्याहार्यम् । उदाहरणान्तरप्रदर्शने बीजमाह - पूर्वोदा-
हरणेति ॥ वैपुल्यादेरित्या दिपदागाम्भीर्यंदारुणत्वयोः संग्रहः ॥ १० ॥ इत्यन-
न्वयालंकारप्रकरणम् ॥ २ ॥
-
-
49
-
अथोपमेयोपमां लक्षयति - पर्यायेणेति ॥ अयोगपद्येनेत्यर्थः । वाक्यभेदे-
नेति यावत् । तत् उपमानोपमेयत्वं । विवक्ष्यत इति शेषोऽत्रापि बोध्यः । उपमे-
योपमेति लक्ष्यनिर्देशः । उपमेयेनोपमेति व्युत्पत्तेः । धर्मोऽर्थ इवेत्युदाहरणम् ।
अर्थो धनम् । पूर्णश्रीः पूर्णसमृद्धिः । अत्र च धर्मार्थयोर्द्वयोर्वाक्यभेदेनोपमानत्व-
मुपमेयत्वं च वर्णितम् । तत्राद्यवाक्येऽर्थस्योपमानत्वं धर्मस्योपमेयत्वम् । द्वितीये
तु तद्विपर्यासेन धर्मस्योपमानत्वमर्थस्योपमेयत्व मिति लक्षणसमन्वयः । उपमानोप-
मेयत्वमात्रोक्तावनन्वयेऽतिव्याप्तेर्द्वयोरित्युक्तम् । एवमपि 'समत्वं शरदि प्रापुरहो
कुमुदतारकाः' इत्युभयविश्रान्तसादृश्यादुपमायामतिव्याप्तिः । तत्र द्वयोः कुमु
दतारकयोः सादृश्याश्रयत्वरूपोपमेयत्वस्येव तत्प्रतियोगिवरूपस्योपमानत्वस्याप्य
र्थतः प्रतीतेरतः पर्यायेणेत्युक्तम् । ननु 'भणितिरिव मतिर्मतिरिव चेष्टा चेष्टेव
कीर्तिरतिविमला' इति रशनोपमायामतिव्याप्तिः । तत्र द्वयोर्मतिचेष्टयोर्वाक्य -
देनोपमानोपमेयत्ववर्णनादिति चेन्न । द्वयोरित्यनेन परस्परमुपमानोपमेयत्वस्य
विवक्षितत्वात् । अन्यथा पर्याय पदेनैवानन्वयवारणे तद्वैयर्थ्यापत्तेरिति संक्षेपः ॥
कुवलयानन्दः । [ उपमयापमालकार: २
स्वेन साधर्म्य नान्वेतीति व्युत्पत्तेः । अनन्वयिनोऽप्यर्थस्याभिधानं सहशा-
' न्तरव्यवच्छेदेनानुपमत्वद्योतनाय । इन्दुरिन्दुरिव श्रीमानित्युक्ते श्रीमत्वेन
चन्द्रस्य नान्यः सदृशोऽस्तीति सदृशान्तरव्यवच्छेदो लक्ष्यते । ततश्च स्वेनापि
सादृश्यासंभवादनुपमेयत्वे पर्यवसानम् ॥ यथावा-
गगनं गगनाकारं सागरः सागरोपमः ।
रामरावणयोर्युद्धं रामरावणयोरिव ॥
पूर्वोदाहरणे श्रीमत्वस्य धर्मस्योपादानमस्ति । इह तु गगनादिषु वैपुल्या-
देर्धर्मस्य तन्नास्तीति विशेषः ॥ १० ॥
उपमेयोपमालंकारः ३
पर्यायेण द्वयोस्तश्चेदुपमेयोपमा मता ।
धर्मोऽर्थ इव पूर्णश्रीरर्थो धर्म इव त्वयि ॥ ११ ॥
-
नान्वेतीति ॥ न संबध्यत इत्यर्थः । साधर्म्यस्य भेदघटितत्वादिति भावः । नन्वेवं
सत्यसंबद्धप्रलापत्वापत्तिरित्यत आह
- अनन्वयिनोऽपीति ॥ बाधितस्यापी-
त्यर्थः । अर्थस्य साधर्म्यस्य । अभिधानमाहार्यारोपरूपतया प्रतिपादनं । सदृशान्त-
रव्यवच्छेदेन सदृशान्तरव्यावृत्तिबोधद्वारेण । एतदेव विशदयति- इन्दुरित्या-
दिना ॥ इत्थंच सदृशान्तरव्यावृत्तिसूचनद्वारानुपम त्वयोतनरूपप्रयोजनवत्त्वादा-
पाततो रुद्ररोदनार्थवादवद्वारमात्रतया सादृश्यप्रतिपादनेऽपि नासंबद्धप्रलापता-
पत्तिरिति भावः । उदाहरणान्तरमाह - यथावेति ॥ गगनाकारं गगनसदृशम् ।
इवेत्यतः प्राक् युद्धमित्यध्याहार्यम् । उदाहरणान्तरप्रदर्शने बीजमाह - पूर्वोदा-
हरणेति ॥ वैपुल्यादेरित्या दिपदागाम्भीर्यंदारुणत्वयोः संग्रहः ॥ १० ॥ इत्यन-
न्वयालंकारप्रकरणम् ॥ २ ॥
-
-
49
-
अथोपमेयोपमां लक्षयति - पर्यायेणेति ॥ अयोगपद्येनेत्यर्थः । वाक्यभेदे-
नेति यावत् । तत् उपमानोपमेयत्वं । विवक्ष्यत इति शेषोऽत्रापि बोध्यः । उपमे-
योपमेति लक्ष्यनिर्देशः । उपमेयेनोपमेति व्युत्पत्तेः । धर्मोऽर्थ इवेत्युदाहरणम् ।
अर्थो धनम् । पूर्णश्रीः पूर्णसमृद्धिः । अत्र च धर्मार्थयोर्द्वयोर्वाक्यभेदेनोपमानत्व-
मुपमेयत्वं च वर्णितम् । तत्राद्यवाक्येऽर्थस्योपमानत्वं धर्मस्योपमेयत्वम् । द्वितीये
तु तद्विपर्यासेन धर्मस्योपमानत्वमर्थस्योपमेयत्व मिति लक्षणसमन्वयः । उपमानोप-
मेयत्वमात्रोक्तावनन्वयेऽतिव्याप्तेर्द्वयोरित्युक्तम् । एवमपि 'समत्वं शरदि प्रापुरहो
कुमुदतारकाः' इत्युभयविश्रान्तसादृश्यादुपमायामतिव्याप्तिः । तत्र द्वयोः कुमु
दतारकयोः सादृश्याश्रयत्वरूपोपमेयत्वस्येव तत्प्रतियोगिवरूपस्योपमानत्वस्याप्य
र्थतः प्रतीतेरतः पर्यायेणेत्युक्तम् । ननु 'भणितिरिव मतिर्मतिरिव चेष्टा चेष्टेव
कीर्तिरतिविमला' इति रशनोपमायामतिव्याप्तिः । तत्र द्वयोर्मतिचेष्टयोर्वाक्य -
देनोपमानोपमेयत्ववर्णनादिति चेन्न । द्वयोरित्यनेन परस्परमुपमानोपमेयत्वस्य
विवक्षितत्वात् । अन्यथा पर्याय पदेनैवानन्वयवारणे तद्वैयर्थ्यापत्तेरिति संक्षेपः ॥