जानकीपरिणयः /78

2023-02-26 22:06:19 by ambuda-bot

This page has not been fully proofread.

जानकीपरिणये

इति तदाननचन्द्रसुधां गिरं
श्रुतिपुटेन निपीय विशां पतिः ।
सरयमोमिति वाचमुदरिय-
ञ्जिगमिषामभजन्मिथिलां प्रति ॥ २२ ॥

अथ समाप्य विधिं निखिलं सुधी-
दिनमुखोचितमह्नि शुभंयुनि ।
जवनवाजियुतं रथमास्थितो

दशरथो मिथिलामभि निर्ययौ ॥ २३ ॥

जिगमिषोर्नरपालशिखामणे-
रुदचलत् पटहध्वनिरुच्चकैः ।

विघटिताचलसन्धिरनुक्षण-
G

क्षुभितसागरमन्द्ररवैधितः ॥ २४ ॥

रचितमक्षिपिधानमहिद्विषो

रजसि नेत्रनिरोधिनि जृम्भिते ।

अपिदधे किमहिप्रभुरुत्थिते

श्रुतिकटौ पटहारटिते दृशः ॥ २५ ॥

तदनु लाजचयैः समवाकिरन्

क्षितिपतिं किल पौरपुरन्ध्रयः ।
नभसि नीरदसंहतयो धरा-
धरमिवाभिनवैरुदबिन्दुभिः ॥ २६ ॥

उपरि भूमिपतेरृतमुद्धृतं
विशदमातपवारणमाबभौ ।