जानकीपरिणयः /49
This page has not been fully proofread.
चतुर्थः सर्गः ।
चपला कडारचिकुरोत्करा जव-
द्रुतपातितद्रुमविकीर्णपद्धतिः ॥ १६ ॥
रदनान्तरेषु चिरलग्नजाङ्गल-
ग्रहणेच्छया विदधती विलोलनम् ।
रसनाञ्चलेन मुहुरास्यगह्वरे
विकटाट्टहासमुचि विस्रगन्धिनी ॥ १७ ॥
अथ राघवोऽध्वनि निरीक्ष्य राक्षसीं
प्रजिहीर्षयोद्यतभुजाप्रमायतीम् ।
वहता शरेण यमदण्डचण्डतां
जगदापदा सह निनाय तां क्षयम् ॥ १८ ॥
रघुनन्दनः समतनोन्निशाचरी-
कदनं प्रयासलवमन्तरेण यत् ।
समशिश्रियत् सपदि पूर्वरङ्गतां
क्षणदाचरोन्मथननाटकस्य तत् ॥ १९ ॥
अथ ताटकानिधनहर्षितान्मुने-
रधिगम्य तावखिलमन्त्रमण्डलम् ।
रघुनन्दनावभवतां दुरासदौ
शिखिभास्करौ प्रचुरतेजसाविव ॥ २० ॥
अभजन्त ते तदनु वामनाश्रमं
श्रमहारिशाखितलवर्तितापसम् ।
कुशवल्कलाजिनविराजितोटज़-
प्रकरं प्रशान्ततरसत्वसङ्कुलम् ॥ २१ ॥
चपला कडारचिकुरोत्करा जव-
द्रुतपातितद्रुमविकीर्णपद्धतिः ॥ १६ ॥
रदनान्तरेषु चिरलग्नजाङ्गल-
ग्रहणेच्छया विदधती विलोलनम् ।
रसनाञ्चलेन मुहुरास्यगह्वरे
विकटाट्टहासमुचि विस्रगन्धिनी ॥ १७ ॥
अथ राघवोऽध्वनि निरीक्ष्य राक्षसीं
प्रजिहीर्षयोद्यतभुजाप्रमायतीम् ।
वहता शरेण यमदण्डचण्डतां
जगदापदा सह निनाय तां क्षयम् ॥ १८ ॥
रघुनन्दनः समतनोन्निशाचरी-
कदनं प्रयासलवमन्तरेण यत् ।
समशिश्रियत् सपदि पूर्वरङ्गतां
क्षणदाचरोन्मथननाटकस्य तत् ॥ १९ ॥
अथ ताटकानिधनहर्षितान्मुने-
रधिगम्य तावखिलमन्त्रमण्डलम् ।
रघुनन्दनावभवतां दुरासदौ
शिखिभास्करौ प्रचुरतेजसाविव ॥ २० ॥
अभजन्त ते तदनु वामनाश्रमं
श्रमहारिशाखितलवर्तितापसम् ।
कुशवल्कलाजिनविराजितोटज़-
प्रकरं प्रशान्ततरसत्वसङ्कुलम् ॥ २१ ॥