जानकीपरिणयः /111

2023-02-26 22:06:24 by ambuda-bot

This page has not been fully proofread.

अष्टमः सर्गः ।

शस्त्रमुज्ज्वलतरं त्वयि तह-
न्मातृधातिनि कुतो न विसृष्टम् ॥ ३८ ॥

भूसुरोऽयमिति जातविशङ्का-
नप्रयुक्तविविधास्त्रसमूहान् ।
त्वद्वधात् क्षितिभुजो विनिवृत्तान्
का स्तुतिः कथय संहरतस्ते ॥ ३९ ॥

आजघान पितरं भवतो यः
स त्वयैव समरे निगृहीतः ।
मातरं निहतवान् खलु यस्ते

तस्य निग्रहमहं कलयामि ॥ ४० ॥

शक्तिमान् दलयति स्म कुमारः

क्रौञ्चमद्रिमिति मत्सरतस्त्वम् ।
ख्यातिमाप्तुमभिनः शकुनिं त

तुल्यसंज्ञमपशक्तिरये किम् ॥ ४१ ॥

ब्राह्मणे त्वयि जिते सति शस्त्रैः

क्षत्रियस्य न यशो जगति स्यात् ।

शंस राम ! समरे यशसो मे

का प्रसक्तिरजिते त्वयि दैवात् ॥ ४२ ॥

अग्रहीदिति वदन् रघुवीर-
स्तत्करान्मधुनिसूदनचापम् ।

तत्क्षणाद् भृगुपतिर्गततेजा-
श्रण्डभानुरुपरक्त इवासीत् ॥ ४३ ॥