2023-02-24 15:47:00 by Narayan
This page has been fully proofread once and needs a second look.
शिवभक्तिरियं नो मनोरथदुर्लभानि फलति फलानि। येनैवमस्मासु
प्रीयते भगवान्भुवनगुरुर्भैरवाचार्य:। श्वो द्रष्टास्मि भगवन्तम्"
इत्युक्त्वा च मस्करिणं व्यसर्जयत्। अनया च वार्तया परां
मुदमवाप॥
अपरेद्युश्च प्रातरेवोत्थाय वाजिनमधिरुह्य समुच्छ्रितश्वेता-
तपत्रः समुद्धूयमानधवलचामरयुगलः कतिपयैरेव राजपुत्रैः परि-
वृतः, भैरवाचार्यं द्रष्टुं प्रतस्थे। गत्वा च किंचिदन्तरं तदीयमेव
अभिमुखम् आपतन्तम् अन्यतमं शिष्यम् अद्राक्षीत्। अप्राक्षीच्च--
'क्व भगवानास्ते' इति। सोऽकथयत्--"अस्य जीर्णमातृगृहस्यो-
त्तरेण बिल्ववाटिकामध्यास्ते" इति। गत्वा च तं प्रदेशमव-
ततार। प्रविवेश च बिल्ववाटिकाम्॥
अथ महतः कार्पटिकवृन्दस्य मध्ये, प्रातरेव स्नातम्,
दत्ताष्टपुष्पिकम्, अनुष्ठिताग्निकार्यम्, व्याघ्रचर्मण्युपविष्टम्,
[commentary]
प्रतस्थे "समवप्रविभ्यः स्थः" इत्यात्मनेपदम्। "एनपा द्वितीया"
इत्यत्र एनपेति योगविभागमाश्रित्य एनबन्तयोगे षष्ठ्यपि भवतीति वैयाकरणाः।
अतः मातृगृहस्य उत्तरेणेत्यत्र षष्ठी। "ब्राह्मी माहेश्वरी चैव कौमारी वैष्णवी
तथा। वाराही चैव माहेन्द्री चामुण्डा सप्त मातरः॥ "वाटिकाम् अध्यास्ते
"अधिशीङ्स्थासां कर्म।" कर्पटैः जीर्णवस्त्रैः चरन्ति इति, कर्पटं तत्त्वं
विदन्ति इति वा कार्पटिकाः भिक्षवः। अष्टानां पुष्पाणां समाहारः अष्टपुष्पी,
सैव अष्टपुष्पिका। तानि च पुष्पाणि चम्पकमल्लिकादीनि। पूर्वोत्तरग्रन्थपर्या-
लोचनायामेवं व्याख्यैव ज्यायसी। "(चन्दन) प्रभृति गन्धप्रधानं पार्थिवम्,
अर्घ्यस्नानादिकं रसप्रधानम् आप्यम्, प्रदीपाभरणप्रभादि रूपप्रधानं तैजसम्,
अनुलेपनप्रभृति स्पर्शप्रधानं वायवीयम्, सुषिरातोद्यगीतादिकं शब्दप्रधानम्
आकाशीयम्, अनुध्यानं मानसम्, अस्ति सर्वत्रैवेश्वर इति निश्चयो बौद्धम्,
प्रीयते भगवान्भुवनगुरुर्भैरवाचार्य:। श्वो द्रष्टास्मि भगवन्तम्"
इत्युक्त्वा च मस्करिणं व्यसर्जयत्। अनया च वार्तया परां
मुदमवाप॥
अपरेद्युश्च प्रातरेवोत्थाय वाजिनमधिरुह्य समुच्छ्रितश्वेता-
तपत्रः समुद्धूयमानधवलचामरयुगलः कतिपयैरेव राजपुत्रैः परि-
वृतः, भैरवाचार्यं द्रष्टुं प्रतस्थे। गत्वा च किंचिदन्तरं तदीयमेव
अभिमुखम् आपतन्तम् अन्यतमं शिष्यम् अद्राक्षीत्। अप्राक्षीच्च--
'क्व भगवानास्ते' इति। सोऽकथयत्--"अस्य जीर्णमातृगृहस्यो-
त्तरेण बिल्ववाटिकामध्यास्ते" इति। गत्वा च तं प्रदेशमव-
ततार। प्रविवेश च बिल्ववाटिकाम्॥
अथ महतः कार्पटिकवृन्दस्य मध्ये, प्रातरेव स्नातम्,
दत्ताष्टपुष्पिकम्, अनुष्ठिताग्निकार्यम्, व्याघ्रचर्मण्युपविष्टम्,
[commentary]
प्रतस्थे "समवप्रविभ्यः स्थः" इत्यात्मनेपदम्। "एनपा द्वितीया"
इत्यत्र एनपेति योगविभागमाश्रित्य एनबन्तयोगे षष्ठ्यपि भवतीति वैयाकरणाः।
अतः मातृगृहस्य उत्तरेणेत्यत्र षष्ठी। "ब्राह्मी माहेश्वरी चैव कौमारी वैष्णवी
तथा। वाराही चैव माहेन्द्री चामुण्डा सप्त मातरः॥ "वाटिकाम् अध्यास्ते
"अधिशीङ्स्थासां कर्म।" कर्पटैः जीर्णवस्त्रैः चरन्ति इति, कर्पटं तत्त्वं
विदन्ति इति वा कार्पटिकाः भिक्षवः। अष्टानां पुष्पाणां समाहारः अष्टपुष्पी,
सैव अष्टपुष्पिका। तानि च पुष्पाणि चम्पकमल्लिकादीनि। पूर्वोत्तरग्रन्थपर्या-
लोचनायामेवं व्याख्यैव ज्यायसी। "(चन्दन) प्रभृति गन्धप्रधानं पार्थिवम्,
अर्घ्यस्नानादिकं रसप्रधानम् आप्यम्, प्रदीपाभरणप्रभादि रूपप्रधानं तैजसम्,
अनुलेपनप्रभृति स्पर्शप्रधानं वायवीयम्, सुषिरातोद्यगीतादिकं शब्दप्रधानम्
आकाशीयम्, अनुध्यानं मानसम्, अस्ति सर्वत्रैवेश्वर इति निश्चयो बौद्धम्,