गद्यत्रयं रामानुजकृतं सटीकम् /26

मद्दास्यैकस्वभावात्मस्वरूप: ; मदेकानुभव:; मद्दास्यैकप्रियः; परिपूर्णानवरत - रत-नित्य-
विशदतमानन्यप्रयोजन - -अनवधिकातिशयप्रिय-मदनुभव स्त्वम्; तथाविधमदनु-भव-
जनितानवधिकातिशय - -प्रीतिकारित-अशेषावस्थोचित-अशेषशेषतैकरतिरूप-
नित्यकिङ्करो भव ! ॥ १९ ॥

एवम्भूतोऽसि ॥ २० ॥

आध्यात्मिक- आधिभौतिक-आधिदैविक-दुःख- विघ्र - -गन्ध-रहितस्त्वम्,
द्वयमर्थानुसन्धानेन सह सदैवं वक्ता; यावच्छरीरपातम् अत्रैव श्रीरङ्गे सुखमास्स्व ॥ २१ ॥

शरीरपातसमये तु, केवलं मदीययैव दयया अतिप्रबुद्धः, मामेवाऽवलोकयन्,
अप्रच्युतपूर्वसंस्कारमनोरथः, जीर्णमिव वस्त्रं सुखेन, इमां प्रकृतितिं स्थूल सूक्ष्मरूपां
विसृज्य, तदानीमेव मत्प्रसादलब्ध-मञ्चरणारविन्दयुगलैकान्तिकात्यन्तिक - कात्यन्तिक-परभक्ति-
परज्ञान- परमभक्तिकृत- परिपूर्णानवरत - -नित्य- विशदतम- अनन्यप्रयोजनानवधिकातिशय-
प्रियमदनुभवजनित - अनवधिकातिशय - -प्रीतिकारित-अशेषावस्थोचिताशेष- शेषतैकरतिरूप
नित्यकिङ्करो भविष्यसि ! मा ते भूदत्र संशयः ॥ २२ ॥

'अनृतं नोक्तपूर्वं मे न च वक्ष्ये कदाचन' । रामो द्विर्नाभिभाषते-

'सकृदेव प्रपन्नाय तवाऽस्मीति च याचते ।
अभयं सर्वभूतेभ्यो ददाम्येतद्व्रतं मम' ॥
'सर्वधर्मान् परित्यज्य मामेकं शरणं व्रज ।
अहं त्वा सर्वपापेभ्यो मोक्षयिष्यामि मा शुचः' ॥
इति मयैव ह्युक्तम् ॥ २३ ॥

अतस्त्वं तव तत्त्वतो मज्ज्ञानदर्शनप्राप्तिषु निस्संशयः, सुखमास्स्व! ॥ २४ ॥

[तृणीकृतविरिञ्चादि निरङ्कुशविभूतयः ।
रामानुजपदाम्भोजसमाश्रयणशालिनः ] ॥ २५ ॥

अन्त्यकाले स्मृतिर्या तु तव कैङ ङ्कर्यकारिता ।
तामेनां भगवन् ! अद्य क्रियमाणां कुरुष्व मे ॥ २६ ॥
 
॥ इति श्रीभगवद्रामानुजविरचितं शरणागतिगद्यं समाप्तम् ॥
॥ श्रीमते रामानुजाय नमः ॥