गोविन्द-दामोदर-स्तोत्रं सानुवादम् /5

श्रीबिल्वमङ्गलाचार्यविरचितं
गोविन्ददामोदरस्तोत्रम्
 
( १ )
 
अग्रे कुरूणामथ पाण्डवानां
दुःशासनेनाहृतवस्त्रकेशा ।
कृष्णा तदाक्रोशदनन्यनाथा
गोविन्द दामोदर माधवेति ॥
 
( २ )
 
श्रीकृष्ण विष्णो मधुकैटभारे
भक्तानुकम्पिन् भगवन् मुरारे ।
त्रायस्व मां केशव लोकनाथ
गोविन्द दामोदर माधवेति ॥
 
( ३ )
 
विक्रेतुकामाखिलगोपकन्या
मुरारिपादार्पितचित्तवृत्तिः ।
दध्यादिकं मोहवशादवोचद्
गोविन्द दामोदर: <error>माघवेति </error> <fix>माधवेति</fix>॥
 
( ४ )
 
उलूखले सम्भृततण्डुलांश्च
संघट्टयन्त्यो मुशलैः प्रमुग्धाः ।
गायन्ति गोप्यो जनितानुरागा
गोविन्द दामोदर माधवेति ॥