<page>
<ignore>112
देवी स्तोत्राणि
-</ignore>
<verse>मङ्गले मङ्गलाधारे माङ्गल्ये मङ्गलप्रदे ।
मङ्गलार्थं मङ्गलेशि माङ्गल्यं देहि मे सदा ॥ १६</verse>
<verse>सर्वमङ्गल माङ्गल्ये शिवे सर्वार्थ-साधिके ।
शरण्ये त्र्यम्बके देवि नारायणि नमोऽस्तु ते ॥ १७</verse>
<verse>शुभं भवतु कल्याणि आयुरारोग्य संपदाम् ।
शत्रुव्याधि विनाशाय दीपज्योतिःनमोऽस्तुते ॥ १८</verse>
<trailer>॥ इति श्री महालक्ष्मी स्तुतिः संपूर्णम् ॥</trailer>
<ignore>२२.</ignore>
<title>२२. श्री सरस्वती स्तोत्रम्</title>
<verse>या कुन्देन्दु-तुषार-हार-धवला
या शुभ्र-वस्त्रावृता
या वीणा वर-दण्ड-मण्डित-
करा या श्वेत पद्मासना।
या ब्रह्माच्युत-शङ्कर-
प्रभृतिभिर्देवैः सदा पूजिता
सा मां पातु सरस्वती भगवती निश्शेषजाड्यापहा ॥ १</verse>
<verse>दोर्भिर्युक्ता-चतुर्भिः स्फटिक-
मणिनिभै-रक्षमालां-दधाना
हस्तेनैकेन पद्मं सितमपि
च शुकं पुस्तकं चापरेण ।
भासा कुन्देन्दु शङ्ख-स्फटिक-
मणिनिभा भासमाना समाना
सा मे वाग्देवतेयं निवसतु
वदने सर्वदा सुप्रसन्ना ॥ २</verse>
</page>