Collected works of Kavyakantha Ganapati Muni /45

← | →

2026-01-24 15:40:51 by akprasad

This page has been fully proofread once and needs a second look.

<page>
<ignore lang="sa">शिवशतकम्
 
</ignore>
<verse lang="sa">कर्तुं काव्यानि नव्यानि व्यसनं रसने यदि ।
 

न किं सन्ति चरित्राणि पवित्राणि पिनाकिनः ॥ ३२॥
 
</verse>
<verse lang="sa">सुतरां सुलभो मोक्षः कीर्तनात्कृत्तिवाससः ।

उपायमविदित्वैतमपायं यान्ति जन्तवः ॥ ३३ ॥
 
</verse>
<verse lang="sa">सुधाघटोऽधरः स्त्रीणां सुधातोयधरः कविः ।

सुधातरङ्गमाली ते नामध्वनिरुमापते ॥ ३४ ॥
 
</verse>
<verse lang="sa">किञ्चिदस्त्यधरे स्त्रीणां सुधायामस्ति वा न वा ।

माधुर्यमन्धकारातेर्नामधेये विशेषतः ॥ ३५ ॥
 
</verse>
<verse lang="sa">अस्माकमाकुलं पापैः प्रायश्चित्तं विदूयते ।

हरसङ्कीर्तनं तेषां प्रायश्चित्तं विधीयते ॥ ३६॥
 
</verse>
<verse lang="sa">शम्भोरम्भोरुहाकारं चरणं शरणं सताम् ।

अंहःसंहारमाधातुं नमतेः कर्म कुर्महे ॥ ३७॥
 
</verse>
<verse lang="sa">पाप दूरमितो याहि समाप्ता ते मयि स्थितिः ।

पदपद्मं पुरारातेः साम्प्रतं सम्प्रणम्यते ॥ ३८ ॥
 
</verse>
<verse lang="sa">करणे सर्वसौख्यानां हरणे वाऽखिलैनसाम् ।

नास्ति मे मदनारातेः पदनालीकतः परम् ॥ ३९ ॥
 
</verse>
<verse lang="sa">पारिजातमहेशाञङङ्घ्री दातारौ भवतः समौ ।

उद्ग्रीवैः प्राप्यते तस्मान्नतग्रीवैरितः फलम् ॥ ४०॥
 
</verse>
<ignore lang="sa">११
 
</ignore>
</page>