2023-11-19 19:22:02 by ambuda-bot
This page has not been fully proofread.
स्तोत्रग्रन्थमाला - तृतीयो भागः
तत्किल प्रभवति क्षितेर्जगत्यन्तरिक्षभुवनेऽथवा दिवि ।
कर्तुमप्रतिममात्मगोचरं मौलिभूतमकृतात्मनामपि ॥ २४ ॥
१०
तस्य शक्तिररिलोकदुःसहा तस्य सिद्धिरणिमादिशालिनी ।
तस्य सम्पदखिलात्मभावदा यं विशोधयति दृष्टिरीशितुः ॥ २५ ॥
याचकः पदसरोजकिङ्करो वीक्षितेन खलु साध्यमीप्सितम् ।
अत्र चेद्भव भवान्पराङ्मुखो निर्दयेषु गणना भवेत्तव ॥ २६ ॥
दृष्टिदानविमुखेन किं त्वया दीयते निजमनामयं पदम् ।
किं ददाति हर सर्वमापणं विण्णिशाशकलदानदुर्मनाः ॥ २७ ॥
किं नु संलपसि शैलकन्यया नन्दिना किमु करोषि भाषणम् ।
सर्वलोकजनकप्रभो कुतो नार्भकस्य रुदितं निशम्यते ॥ २८ ॥
संस्तुतो न च दधासि सम्मदं दूषितो न च महेश लज्जसे ।
अप्यहं चतुरभाषणः कविः किं करोमि विगुणस्य ते पुरः ॥ २९॥
पाहि वा पशुपते जहीहि वा जीवनं तव पदोः समर्पितम् ।
देहि वा विमुखतामुपेहि वा प्रार्थये किमपि नाथ नापरम् ॥ ३०॥
अथ चतुर्थं पथ्यावक्त्रदशकम्
किं घोषं कुरुषे द्वारि देहि देहीति भूभुजाम् ।
रसने हर गौरीश पाहि पाहीति गीयताम् ॥ ३१ ॥
तत्किल प्रभवति क्षितेर्जगत्यन्तरिक्षभुवनेऽथवा दिवि ।
कर्तुमप्रतिममात्मगोचरं मौलिभूतमकृतात्मनामपि ॥ २४ ॥
१०
तस्य शक्तिररिलोकदुःसहा तस्य सिद्धिरणिमादिशालिनी ।
तस्य सम्पदखिलात्मभावदा यं विशोधयति दृष्टिरीशितुः ॥ २५ ॥
याचकः पदसरोजकिङ्करो वीक्षितेन खलु साध्यमीप्सितम् ।
अत्र चेद्भव भवान्पराङ्मुखो निर्दयेषु गणना भवेत्तव ॥ २६ ॥
दृष्टिदानविमुखेन किं त्वया दीयते निजमनामयं पदम् ।
किं ददाति हर सर्वमापणं विण्णिशाशकलदानदुर्मनाः ॥ २७ ॥
किं नु संलपसि शैलकन्यया नन्दिना किमु करोषि भाषणम् ।
सर्वलोकजनकप्रभो कुतो नार्भकस्य रुदितं निशम्यते ॥ २८ ॥
संस्तुतो न च दधासि सम्मदं दूषितो न च महेश लज्जसे ।
अप्यहं चतुरभाषणः कविः किं करोमि विगुणस्य ते पुरः ॥ २९॥
पाहि वा पशुपते जहीहि वा जीवनं तव पदोः समर्पितम् ।
देहि वा विमुखतामुपेहि वा प्रार्थये किमपि नाथ नापरम् ॥ ३०॥
अथ चतुर्थं पथ्यावक्त्रदशकम्
किं घोषं कुरुषे द्वारि देहि देहीति भूभुजाम् ।
रसने हर गौरीश पाहि पाहीति गीयताम् ॥ ३१ ॥