2023-11-19 19:22:20 by ambuda-bot
This page has not been fully proofread.
श्रीपवनाष्टकम्
पूर्वचतुष्कम्
प्राणं प्रपञ्चस्य समीरमीडे
नभः समन्तादपि गाहमानम् ।
स एष मे स स्तुतिमस्तु वाचं
पितेव कन्यां परिरभ्य हृष्टः ॥ १ ॥
विश्वोपकाराय विभोर्निदेशा-
दहर्निशं गन्धवह प्रयासि ।
श्रान्तोऽसि मन्ये पिब मे वचांसि
सुधां जनस्तक्रमिवाध्वखिन्नः ॥ २ ॥
कन्यामिवास्मभ्यमुदारशीलां
मनोरमां सम्प्रददौ गिरं यः ।
तां वायवे सम्प्रति दर्शयामो
विवर्धितां साधु विभूषितां च ॥ ३ ॥
सत्यं दुकूलं परिदेहि वाणि
विधाय दूरे वितथं कुचेलम् ।
मात्वज्जुगुप्सां गगनस्य नाथः
कार्षीन्निजं पार्श्वमुपागतायाः ॥४॥
पूर्वचतुष्कम्
प्राणं प्रपञ्चस्य समीरमीडे
नभः समन्तादपि गाहमानम् ।
स एष मे स स्तुतिमस्तु वाचं
पितेव कन्यां परिरभ्य हृष्टः ॥ १ ॥
विश्वोपकाराय विभोर्निदेशा-
दहर्निशं गन्धवह प्रयासि ।
श्रान्तोऽसि मन्ये पिब मे वचांसि
सुधां जनस्तक्रमिवाध्वखिन्नः ॥ २ ॥
कन्यामिवास्मभ्यमुदारशीलां
मनोरमां सम्प्रददौ गिरं यः ।
तां वायवे सम्प्रति दर्शयामो
विवर्धितां साधु विभूषितां च ॥ ३ ॥
सत्यं दुकूलं परिदेहि वाणि
विधाय दूरे वितथं कुचेलम् ।
मात्वज्जुगुप्सां गगनस्य नाथः
कार्षीन्निजं पार्श्वमुपागतायाः ॥४॥