भासनाटकचक्रम् (Plays Ascribed to Bhasa) /392

← | →

2026-02-07 07:57:26 by akprasad

This page has been fully proofread once and needs a second look.

<page>
<ignore>-vi. 22.2]
 
राम:-
 
षष्ठोऽङ्कः ।
 
</ignore>
<p><stage>( ततः प्रविशति रामः । )
 
</stage></p>
<p><speaker>राम:-</speaker></p>
<verse>हत्वा रावणमाहवेऽद्य तरसा मद्राबाणवेगार्दितं
 

कृत्वा चापि विभीषणं शुभमतिं लङ्केश्वरं साम्प्रतम् ।

तीर्त्वा चैवमनल्पसत्त्वचरितं दोर्भ्यां प्रतिज्ञार्णवं
 
३६५
 

लङ्कामभ्युपयामि बन्धुसहितः सीतां समाश्वासितुम् ॥ १९ ॥
</verse>
<p><stage>( प्रविश्य )
 
गः </stage></p>
<p><speaker>लक्ष्मणः-</speaker> जयत्वार्यः । आर्य ! एषा ह्यार्यार्यस्य समीपमुपसर्पति ।
 
</p>
<p><speaker>रामः -</speaker> वत्स ! लक्ष्मण:-
 
३ रामः - वत्स ! लक्ष्मण !
 
</p>
<verse>अपायाच्च हि वैदेह्या उषिताया रिपुक्षये ।
 

दर्शनात् साम्प्रतं धैर्यं मन्युर्मे वारयिष्यति ॥ २० ॥
 
</verse>
<p><speaker>लक्ष्मणः-</speaker> यदाज्ञापयत्यार्यः । <stage>(निष्क्रान्तः । )
 
३ </stage></p>
<p><stage>( प्रविश्य )</stage></p>
<p><speaker>विभीषणः -</speaker> जयतु देवः ।
 
( प्रविश्य )
 
</p>
<verse>एषा हि राजंस्तव धर्मपत्नी त्वद्वाबाहुवीर्येण विधूतदुःखा ।

लक्ष्मीः पुरा दैत्यकुलच्युतेव तव प्रसादात् समुपस्थिता सा ॥ २१ ॥
</verse>
<p><speaker>रामः -</speaker> विभीषण ! तत्रैव तावत् तिष्ठतु रजनिचरावमर्श जातकल्मषा

इक्ष्वाकुकुलस्याङ्कभूता । राजानं दशरथं पितरमुद्दिश्य न युक्तं भो
३
लङ्काधिपते ! मां द्रष्टुम् । अपिच,
 
</p>
<verse>मज्जमानमकार्येषु पुरुषं विषयेषु वै ।
 

निवारयति यो राजन् ! स मित्रं रिपुरन्यथा ॥ २२ ॥
 
</verse>
<p><speaker>विभीषणः -</speaker> प्रसीदतु देवः ।
 
</p>
<p><speaker>रामः -</speaker> नार्हति भवानतः परं पीडयितुम् ।
 
</p>
<ignore>४५
 
</ignore>
</page>