भासनाटकचक्रम् (Plays Ascribed to Bhasa) /208

<page>
<verse lang="sa">अवेक्षितां मातरमप्रकाश्य
धात्रीत्वमेवैति सुचेतना मे ॥ २० ॥</verse>
<p lang="sa">नारदः-अलमतिस्नेहेन । प्रविशतु कन्यापुरं सुचेतना सुचेतना
सुदर्शना सुदर्शना च सभार्येण पुत्रेण ।</p>
<p lang="sa">कुन्तिभोजः - यदाज्ञापयति भगवान् ।</p>
<p>सुदर्शना - जं भअवं आणवेदि । [ यद् भगवानाज्ञापयति । ]</p>
<p lang="sa">नारदः - अचिरेण सौवीरराजो विसृज्यतां स्वदेशगमनाय ।
जयवर्मणे सुमित्रा प्रदीयतां काशिराज्ञे । त्वमपि सन्निहितो भव ।</p>
<p>कुन्तिभोजः - अनुगृहीतोऽस्मि ।</p>
<p lang="sa">नारद: - कुन्तिभोज ! किमन्यत् ते प्रियमुपहरामि ।</p>
<p lang="sa">कुन्तिभोजः - भगवान् यदि मे प्रसन्नः, किमतः परमहमिच्छामि ।</p>
<verse>गोब्राह्मणानां हितमस्तु नित्यं
सर्वप्रजानां सुखमस्तु लोके ।</verse>
<p lang="sa">नारदः - सौवीरराज ! किं ते भूयः प्रियमुपहरामि ।</p>
<p>सौवीरराजः - यदि मे भगवान् प्रसन्नः, किमतः परमहमिच्छामि ।</p>
<pverse lang="sa">इमामुदीर्णार्णवनीलवस्त्रां
नरेश्वरो नः पृथिवीं प्रशास्तु ॥ २१ ॥</pverse>
<p>( भरतवाक्यम् )</p>
<verse lang="sa">भवन्त्वरजसो गावः परचक्रं प्रशाम्यतु ।
इमामपि महीं कृत्स्नां राजसिंहः प्रशास्तु नः ॥ २२ ॥</verse>
<p>( निष्क्रान्ताः सर्वे )</p>
<trailer lang="sa">षष्ठोऽङ्कः ।</trailer>
</page>