2025-12-15 03:21:43 by akprasad
This page has been fully proofread once and needs a second look.
<verse text="A" n="102">उन्मीलन्मुकुलो न चात्र बकुलो नावर्जकाः केतका
नास्मिन्कोमलकुड्भला विचकिला नोद्दीपकाश्चम्पकाः।
तत्किं मुग्ध मुधैव दग्धसिकतागर्भः सदर्भों मरो
मार्ग: पान्थ पतत्पतंगकिरणाङ्गारोऽयमङ्गीकृतः॥१०२॥
<verse text="A" n="103">वार्ता यत्र न शेखरेषु न तथा घम्मिल्लमाल्यप्रथा
कर्णोत्तंसकथा न काचन न च स्रग्दामनामग्रहः।
तस्मिन्मालतिवल्लि हालिकपुरे रूढासि पश्यैष ते
खात्मन्येव शमं गतस्त्रिजगतीगण्यो गुणानां गणः॥१०३॥
<verse text="A" n="104">एतस्मिन्विपुले प्लवंगमकुले जातो गुणैरग्रणी-
रेकः क्वापि कपिः स कोऽपि मरुतां वन्द्यो मरुन्नन्दनः।
केलिप्राङ्गणवापिकावदभवद्यस्याम्भसां भर्तरि
द्राक्कल्लोलविकार कल्पितजगत्कम्पेऽपि झम्पारसः॥१०४॥
<verse text="A" n="105">साश्चर्या : सरसाश्च सन्ति सरितः पाथः[^१] पतिप्रेयसि
क्षोणी विभ्रम वैजयन्ति तदपि त्वां ताम्रपर्णि स्तुमः।
खच्छे निर्जितनारिकेलसलिलखादिम्नि यद्वारिणि
प्राप्तः केतकपत्रगर्भरुचिभिर्मुक्ताफलैरुद्भवः॥१०५॥
<verse text="A" n="106">इयं यदि रदच्छदच्छविरपाटला[^२] पाटला
नताङ्गि तव चेदियं रुचिरकिंचनं काञ्चनम्।
किमन्यदमृतद्रवः श्रवणयोरिदं चेद्वचः
क्व न भ्रमरयोषितां गलदहंकृतिर्हुकृति:॥१०६॥
<verse text="A" n="107">उद्भिन्ना कलकण्ठकण्ठकुहरात्कर्णामृतस्यन्दिनी
हृद्या यद्यपि मार्दवैकवसतिः सा काकलीहुंकृतिः।
अन्यस्तन्वि तथापि ते पशुपतिप्लुष्टस्य जीवार्पणे
पञ्चेषोरुचितः प्रपञ्चितरसः पाकाञ्चितः पञ्चमः॥१०७॥
<verse text="A" n="108" merge-next="true">या लक्ष्मीः स्मरकार्मुके स्फुरति या बाले प्रवाले रुचि-
र्यो नीलाम्बुरुहच्छदे मृदुमरुत्प्रेङ्खोलिते विभ्रमः।
[^
<footnote text="A" mark="१
[^
<footnote text="A" mark="२
</page>