नरसिंहपदाम्भोजभ्रमरायितमानसम् ।योगयुक्तं हनूमन्तं घटिकाद्रिगतं भजे ॥ १ ॥

▼

Edit Permalink Bookmark

एष हत्वा निशाटानां कोटीर्वीरवरः पुरा ।अधुना दृश्यते योगी नरसिंहपदान्तिके ॥ २ ॥

▼

Edit Permalink Bookmark

सत्यं वद महावीर कुत्र ते रमते मनः ।नृवेषे वा हरौ किंस्विन्नृसिंहतनुधारिणि ॥ ३ ॥

▼

Edit Permalink Bookmark

विचिन्तयन्निवाभेदं श्रीरामनरसिंहयोः ।योगयुक्तो मरुत्सूनुः घटिकाद्रौ प्रदृश्यते ॥ ४ ॥

▼

Edit Permalink Bookmark

यस्मिन्मनः पथं याते न जनस्य विपत्पुनः ।तं भजे मरुतः पुत्रं योगिनं वीरकुञ्जरम् ॥ ५ ॥

▼

Edit Permalink Bookmark

॥ श्रीयोगाञ्जनेयपञ्चरत्नं समाप्तम् ॥

▼

Edit Permalink Bookmark