लक्ष्मीस्तोत्रम्

Click on words to see what they mean.

क्षमस्वभगवत्यंब क्षमाशीले परात्परे ।

शुद्धसत्वस्वरूपे च कोपादिपरिवर्जिते ॥ १ ॥

Edit Permalink Bookmark

उपमे सर्वसाध्वीनां देवीनां देवपूजिते ।

त्वया विना जगत्सर्वे मृततुल्यं च निष्फलम् ॥ २ ॥

Edit Permalink Bookmark

सर्वसंपत्स्वरूपा त्वं सर्वेषां सर्वरूपिणी ।

रासेश्वर्यधिदेवी त्वं त्वत्कलाः सर्वयोषितः ॥ ३ ॥

Edit Permalink Bookmark

कैलासे पार्वती त्वं च क्षीरोदे सिन्धुकन्यका

स्वर्गे त्वं च महालक्ष्मीमर्त्यलक्ष्मीश्च भूतले ॥ ४ ॥

Edit Permalink Bookmark

वैकुंठे च महालक्ष्मीर्देवदेवी सरस्वती ।

गंगा च तुलसी त्वं च सावित्री ब्रह्मलोकतः ॥ ५ ॥

Edit Permalink Bookmark

कृष्णप्राणाधिदेवी त्वं गोलोके राधिका स्वयम्

रासे रासेश्वरी त्वं च वृंदावनवने वने ॥ ६ ॥

Edit Permalink Bookmark

कृष्णप्रियां त्वं भांडीरे चन्द्रा चन्दन कानने ।

विरजा चंपकवने शतशृगे च सुन्दरी ॥ ७ ॥

Edit Permalink Bookmark

पद्मावती पद्मवने मालती मालतीवने ।

कुन्ददन्ती कुन्दवने सुशीला केतकीवने ॥ ८ ॥

Edit Permalink Bookmark

कदंबमाला त्वं देवी कदंबकाननेऽपि च ।

राजलक्ष्मी राजगृहे गृहलक्ष्मी गृहेगृहे ॥ ६ ॥

Edit Permalink Bookmark

इत्युक्त्वा देवताः सर्वा मुनयोमनवस्तथा ।

रुरुदुर्नम्रवदनाः शुष्ककंठोष्ठ तालुकाः ॥ १० ॥

Edit Permalink Bookmark

इति लक्ष्मीस्तवं पुण्यं सर्वदेवैः कृतं शुभम् ।

यः पठेत्प्रातरुत्थाय स वै सर्वं लभेद् ध्रुवम् ॥ ११ ॥

Edit Permalink Bookmark

अभार्यो लभते भार्या विनीतां सुसृतां सतीम् ।

सुशीलां सुन्दरीं रम्यामतिसुप्रियवादिनीम् ॥ १२ ॥

Edit Permalink Bookmark

पुत्रपौत्रवतीं शुद्धां कुलजां कोमलांवराम् ।

अपुत्रो लभते पुत्रं वैष्णवं चिरजीवनम् ॥ १३ ॥

Edit Permalink Bookmark

परमैर्श्ययुक्तं च विद्यावंतं यशस्विनम् ।

भ्रष्टराज्यो लभेद्राज्यं भ्रष्टश्रीर्लभते श्रियम् ॥ १४ ॥

Edit Permalink Bookmark

हतबन्धुर्लभेद्बन्धुं धनभ्रष्टो धनं लभेत् ।

कीर्तिहीनो लभेत्कीर्ति प्रतिष्ठा च लभेद् धुवम् ॥ १५ ॥

Edit Permalink Bookmark

सर्वमंगलदंस्तोत्रं शोकसंतापनाशनम् ।

हर्षानंदकरंशश्वद्धर्ममोक्ष सुहृत्प्रदम् ॥ १६ ॥

Edit Permalink Bookmark