Edit: स्तुतिकुसुमाञ्जलिः व्याख्यासहिता/263 | Ambuda

Loading editor...

Please wait

Sign in

स्तुतिकुसुमाञ्जलिः व्याख्यासहिता

Page 263 of 480

Proofed once

← →

Since you are not logged in, some functions (such as the OCR button) have been disabled. To use all website features, please create an account.

Running OCR ... Running LLM structuring ... Running structuring ...

<page>
<p lang="sa">धौतचेतसो विद्वांसोऽपि मां परितो वर्जयन्ति । हे महेश, ते आभ्यन्तराः कामक्रो-
धाद्याः शत्रवो विधुरं भीतं मां यथा न जयन्ति तथा कुरु । त्वमेह्यागच्छ । शीघ्रमित्य-
र्थात् । दृशमनुग्रहदृष्टिं च नोऽस्मभ्यं देहि ॥ पञ्चभिः कुलकम् ॥</p>
<verse lang="sa">क्व महेश्वरस्मरणसंभवं भवभ्रमभीमघर्मशमसंमुखं सुखम् ।
विपदां पदं मृदुमृणालिनीदलस्खलदम्बुबिन्दुतरलाः क्व संपदः ॥ २० ॥</verse>
<verse lang="sa">क्व शिवेश्वरेति कृतगण्डमण्डलीपुलकोद्गमप्रमदमन्थरा गिरः ।
क्व यथार्थपार्थिवनिरर्थकानृतस्तुतिविस्तरैरपथपातपातकम् ॥ २१ ॥</verse>
<verse lang="sa">क्व समाधिबाधितदुराधिसाधिमा भवसंभव[^१]श्रमदमक्षमः शमः ।
क्व मदः प्रदर्शितसमग्रविग्रहः प्रहसन्मनस्विजनगर्हितस्थितिः ॥२२॥</verse>
<p lang="sa">इति मामनर्गलममार्गमार्गणप्रवणाविवेकविकलीकृताशयम् ।
करुणानिधान परिबोधय क्षणं क्षणदाविशेषकशिखाशिखामणे ॥२३॥
[^२](चक्कलकम् )</p>
<p lang="sa">महेश्वरस्य ब्रह्मविष्णुरुद्रेश्वरसदाशिवशिवानामपि षण्णां कारणानामीश्वरो महेश्वरः
परमशिवस्तस्य स्मरणं तस्मात्संभवो यस्य तत्तादृशं सुखं विगलितवेद्यान्तरपरमानन्द-
रूपं क्व भवति । अत्युत्कृष्टं भवतीत्यर्थः । किंभूतम् । भवे संसारेऽर्थान्मरुरूपे यो भ्रमो
भ्रमणं स एव भीमो धर्मो निदाघस्तस्य शमे शान्तौ संमुखम् । तथा मृदु कोमलं
थन्मृणालिनीदलं कमलिनीदलं तत्र स्खलन्पतन्योऽम्बुबिन्दुर्वारिकणस्तद्वत्तरला च-
ञ्चलाः । तथा विपदां संपत्स्वपि दुष्कृतकर्मस्खलितचित्तत्वेन परिणामेऽत्यन्तदुःखदा-
यित्वात्पदं स्थानं संपदः श्रियः क्व भवन्ति । नित्यगर्ह्या इत्यर्थः । हे शिव, आत्यन्तिक-
दुःखनिवृत्तिरूपकैवल्यदायिन्, हे ईश्वर त्रिजगदधीश । मां पाहीत्यर्थात् । एवंभूता गिरो
वाचः क्व भवन्ति । सकलविद्वज्जनमनोहरा इत्यर्थः । किंभूताः । कृतेत्यादि । कृतो
गण्डमण्डल्यां कपोलपाल्यां पुलकोद्गमो रोमाञ्चोद्भवो येन स तादृशो यः परमानन्द-
स्तेन मन्थरा अलसाः । तथा यथार्थ : सार्थः पञ्चानामपि महाभूतानां पृथ्वीतत्त्वेनैवा-
धिकेन मनुष्यसृष्टेः पार्थिवः पृथिव्या निर्मित इति सार्थकः । अत्र 'वृथार्थ' इत्यपि पाठः ।
तत्पक्षे सम्यक्प्रजापालनादीनां पार्थिवगुणानामसंभवाद्वृथार्था ये पार्थिवास्तेषां या नि-
रर्थका व्यर्था अनृतासत्या स्तुतिस्तस्या विस्तारैः कुमार्गपातरूपं पातकं क्व । अत्यन्तग
ईणीयमित्यर्थः । योगेनात्ममनसोरैक्यं समाधिस्तेन बाधितो दुराधीनां जन्मजरामरण-
त्रासरूपाणां मनःपीडानां साधिमा बाढत्वं येन स तादृशो भवसंभवो भवमरुभ्रमणजो
यः श्रमस्तस्य दमे क्षमः शमो जितेन्द्रियत्वम् । जितात्मत्वमिति यावत् । तत्क्व ।</p>
<footnote lang="sa" mark="१">. 'भ्रमशमक्षमः' ख.
[^२]. 'संदानितकम्' ख.</footnote>
</page>

Revision history

Loading...

There are no revisions for this page.

Save changes

Changes made:

Edit summary (optional)

Status

By saving your changes, you agree to release your contribution under the CC0 (public domain) license.

Normalize Text

Select the normalizations to apply to the selected text:

Replace : (colon) with ः (visarga) Replace S with ऽ (avagraha) Replace || with ॥ (double danda)

Transliterate Text

Transliterate the selected text:

From:

To: