श्रीवराहाष्टकम्A machine-readable editionArun PrasadArun PrasadCreation of machine-readable version.Ambuda (https://ambuda.org)
Distributed by Ambuda under a Creative Commons CC0 1.0 Universal Licence (public domain)
2026-05-10This text has been created by direct export from Ambuda's proofing environment.स्तोत्रार्णवःV. Chandrasekaran, M.A., L.T.Government Oriental Manuscripts LibraryMadras1961
Ambuda is an online library of Sanskrit literature.
Normalization of whitespace around dandas and other punctuation marks.
१९. ॥ अथ श्रीवराहाष्टकम् ॥कमलायतनेत्राय कमलायतनोरसे ।वराहवपुषे दैत्यवराहवपुषे नमः ॥ १ ॥वामांसभूषायितविश्वधात्री-वामस्तनन्यस्तकरारविन्दः ।जिघ्रन् मुखेनापि कपोलमेनांजीवातुरस्माकगुरोः स जीयात् ॥ २ ॥वेदिस्तनूराहवनीयमास्यंबर्हींषि लोमानि जुहूश्च नासा ।शम्या च दंष्ट्राजनि यस्य यूपोवालो मखात्मा स पुनातु पोत्री ॥ ३ ॥पापेन दैन्येन भवाम्बुराशौनिपातितं मां निरवग्रहोर्मौ ।धूतारिरुद्धृत्य धरामिवोच्चैःकुर्यान्मुदं मे कुहनावराहः ॥ ४ ॥वेशन्तति व्रतजुषां हृदयं मुनीनांवेगापगाविहृतिकाननचङ्क्रमाणाम् ।मुस्तागणन्ति किल यस्य सुरारिवर्गाःकोलः स कोऽपि कुशलं कुरुतादजस्रम् ॥ ५ ॥कल्याणमङ्कुरति यस्य कटाक्षलेशा-द्यस्य प्रिया वसुमती सवनं यदङ्गम् ।अस्मद्गुरोः कुलधनं चरणौ यदीयौभूयः शुभं दिशतु भूमिवराह एषः ॥ ६ ॥कल्पान्तसन्ततघनाघननिर्विघात-निर्घातवातरवनिष्ठुरतारधीरम् ।मायाकिटेर्बधिरितद्रुहिणश्रवस्कंघोणापुटीघुरघुरारसितं पुनातु ॥ ७ ॥झटिति विलुठदूर्मीचाटुवाचाटसिन्धु-स्फुटपटहविदस्रस्फेाटदीप्तोटमुद्यम् ।खरखुरपुटघाताधूतखाटारिवाटःकपटकिटिरघौघाटोपमुच्चाटयेन्नः ॥ ८ ॥यत्कारिकादर्पणाख्यकृतिनावा भवाम्बुधिम् ।सन्तस्तरन्ति वरदगुरवे श्रीमते नमः ॥ ९ ॥॥ इति श्रीवराहाष्टकं सम्पूर्णम् ॥