श्रीवैद्यनाथस्तवःA machine-readable editionArun PrasadArun PrasadCreation of machine-readable version.Ambuda (https://ambuda.org)
Distributed by Ambuda under a Creative Commons CC0 1.0 Universal Licence (public domain)
2026-05-10This text has been created by direct export from Ambuda's proofing environment.स्तोत्रार्णवःV. Chandrasekaran, M.A., L.T.Government Oriental Manuscripts LibraryMadras1961
Ambuda is an online library of Sanskrit literature.
Normalization of whitespace around dandas and other punctuation marks.
२२. ॥ अथ श्रीवैद्यनाथस्तवः ॥वेदवेद्य कृपाधार जगन्मूर्ते शुभप्रद ।अनादिवैद्य सर्वज्ञ वैद्यनाथ नमोऽस्तु ते ॥ १ ॥गङ्गाधर महादेव चन्द्रवह्न्यर्कलोचन ।पिनाकपाणे विश्वेश वैद्यनाथ नमोऽस्तु ते ॥ २ ॥वृषवाहन देवेश क्वचिकित्सचिकित्सक ।करुणाकर गौरीश वैद्यनाथ नमोऽस्तु ते ॥ ३ ॥विधिविष्णुमुखैर्देवैरर्च्यमानपदाम्बुज ।अप्रमेय हरेशान वैद्यनाथ नमोऽस्तु ते ॥ ४ ॥रामलक्ष्मणसूर्येन्दुजटायुःश्रुतिपूजित ।मदनान्तक सर्वेश वैद्यनाथ नमोऽस्तु ते ॥ ५ ॥प्रपञ्चभिषगीशान नीलकण्ठ महेश्वर ।विश्वनाथ महादेव वैद्यनाथ नमोऽस्तु ते ॥ ६ ॥उमापते लोकनाथ मणिमन्त्रौषधीश्वर ।दीनबन्धो दयासिन्धो वैद्यनाथ नमोऽस्तु ते ॥ ७ ॥त्रिगुणातीत चिद्रूप तापत्रयविमोचन ।विरूपाक्ष जगन्नाथ वैद्यनाथ नमोऽस्तु ते ॥ ८ ॥भूतप्रेतपिशाचादेरुच्चाटनविचक्षण ।कुष्टादिसर्वरोगाणां संहर्त्रे ते नमो नमः ॥ ९ ॥जात्यन्धप(ङ्कु)ङ्गुकुब्जादेर्दिव्यरूपप्रदायिने ।अनेकमृकजन्तूनां दिव्यवाग्दायिने नमः ॥ १० ॥देवाः---स्वामिन् सर्वजगान्नाथ सर्वरोगचिकित्सक ।क्षुद्ररोगभयार्तान् नस्त्राहि त्राहि महाप्रभो ॥ ११ ॥अचिकित्स्याचिकित्साय चाद्यन्तरहिताय च ।सर्वलोकैकवन्द्याय वैद्यनाथाय ते नमः ॥ १२ ॥अप्रमेयाय महते सुप्रसन्नमुखाय च ।अभीष्टदायिने तुभ्यं वैद्यनाथाय ते नमः ॥ १३ ॥मृत्युञ्जयाय शर्वाय मृडानीवामभागिने ।वेदवेद्याय रुद्राय वैद्यनाथाय ते नमः ॥ ४१ ॥श्रीरामभद्रवन्द्याय जगतां हितकारिणे ।सोमार्धधारिणे तुभ्यं वैद्यनाथाय ते नमः ॥ १५ ॥श्रीनीलकण्ठाय सौमित्रिपूजिताय मृडाय च ।चन्द्रवह्न्यर्कनेत्राय वैद्यनाथाय ते नमः ॥ १६ ॥शिखिवाहनवन्द्याय सृष्टिस्थित्यन्तकारिणे ।मणिमन्त्रौषधेशाय वैद्यनाथाय ते नमः ॥ १७ ॥गृध्रराजाभिवन्द्याय दिव्यगङ्गाधराय च ।जगन्नाथाय सर्वाय वैद्यनाथाय ते नमः ॥ १८ ॥कुजवेदविधीन्द्राद्यैः पूजिताय चिदात्मने ।आदित्यचन्द्रवन्द्याय वैद्यनाथाय ते नमः ॥ १९ ॥॥ इति श्रीवैद्यनाथस्तवः सम्पूर्णः ॥