श्रीसरस्वतीस्तोत्रम् सिद्धसारस्वतम्A machine-readable editionArun PrasadArun PrasadCreation of machine-readable version.Ambuda (https://ambuda.org)
Distributed by Ambuda under a Creative Commons CC0 1.0 Universal Licence (public domain)
2026-05-10This text has been created by direct export from Ambuda's proofing environment.स्तोत्रार्णवःV. Chandrasekaran, M.A., L.T.Government Oriental Manuscripts LibraryMadras1961
Ambuda is an online library of Sanskrit literature.
Normalization of whitespace around dandas and other punctuation marks.
२१. ॥ अथ श्रीसरस्वतीस्तोत्रम् सिद्धसारस्वतम् ॥बृहस्पतिरुवाच—सरस्वति नमस्यामि चेतनाहृदि संस्थिताम् ।कण्ठस्थां पद्मयोनेस्त्वां ह्रीं ह्रीङ्कारप्रियां तथा ॥ १ ॥मतिदां वरदां चैव सर्वकामफलप्रदाम् ।केशवस्य प्रियां भार्यां वीणाहस्तां वरप्रदाम् ॥ २ ॥ह्रीं ह्रीं मन्त्रप्रियां हृद्यां कुमतिध्वंसकारिणीम् ।स्वप्रकाशनिरालम्बामज्ञानतिमिरापहाम् ॥ ३ ॥मोक्षप्रदां शुभां नित्यां शुभदां भुवनप्रियाम् ।पद्मस्थितां कुण्डलिनीं शुक्लवस्त्रां मनोरमाम् ॥ ४ ॥आदित्यमण्डले लीनां प्रणमामि जनप्रियाम् ।नित्यवासस्थितां देवीं वागीशेन महात्मना ॥ ५ ॥आत्मानं दर्शयामास शरदिन्दुसमप्रभा ।वरं वृणीष्व भद्रं ते यत्ते मनसि वर्तते ॥ ६ ॥बृहस्पतिरुवाच—प्रसन्ना भव हे देवि दिव्यज्ञानं प्रयच्छ मे ॥सरस्वत्युवाच---वर्तते निर्मलं ज्ञानं कुमतिध्वंसकारकम् ।स्तोत्रेणानेन यो भक्त्या मां स्तुवन्ति सदा नरः ॥ ७ ॥त्रिसन्ध्यं प्रयतो भूत्वा यः स्तुतिं पठते तथा ।तस्य कण्ठे सदा वासं करिष्यामि न संशयः ॥ ८ ॥प्रथमं भारती चैव द्वितीयं तु सरस्वती ।तृतीयं शारदा देवी चतुर्थं कंसमर्दनी ॥ ९ ॥पञ्चमं तु जगन्माता षष्ठं चैव तु पार्वती ।सप्तमं चैव वाराही ह्यष्टमं ब्रह्मचारिणी ॥ १० ॥नवमं चैव कामाक्षी दशमं ब्रह्मपुत्रिका ।एकादशं तु लक्ष्मीस्तु द्वादशं सुरसुन्दरी ॥ । ११ ॥द्वादशैतानि नामानि त्रिसन्ध्यं यः पठेन्नरः ।तस्य सारस्वतं चैव षण्मासादेव सिध्यति ॥ १२ ॥सिद्धसारस्वतं नाम स्तोत्रं वक्ष्येऽहमुत्तमम् ।उमा च भारती भद्रा वाणी च विजया जया ॥ १३ ॥वाणी सर्वगता गौरी कामाक्षी कमलप्रिया ।सरस्वती च कमला मातङ्गी चेतना शिवा ॥ १४ ॥क्षेमङ्करी शिवानन्दी कुण्डली वैष्णवी तथा ।इऐतारा पद्मावती हंसा पद्मवासा मनोन्मणी ।अपर्णा ललिता देवी कौमारी कबरी तथा ॥ १६ ॥शाम्भवी सुमुखी नेत्री त्रिनेत्री विश्वरूपिणी ।आर्या मृडानी हीङ्कारी साधनी सुमनाश्च हि ॥ १७ ॥सूक्ष्मा परापरा कार्तस्वरवर्णा हरिप्रिया ।ज्वालामालिनिका चर्चा कन्या च कमलासना ॥ १८ ॥महालक्ष्मीर्महासिद्धिः स्वधा स्वाहा सुधामयी ।त्रिलोकपावनी भर्त्री त्रिसन्ध्या त्रिपुरा त्रयी ॥ १९ ॥त्रिशक्तिस्त्रिपुरा दुर्गा ब्राह्मी त्रैलोक्यमोहिनी ।त्रिपुष्करत्रिवर्गादौ त्रिवर्णा त्रिस्वधामयी ॥ २० ॥त्रिगुणा निर्गुणा नित्या निर्विकारा निरञ्जना ।कामाक्षी कामिनी कान्ता कामदा कलहंसगा ॥ २१ ॥सहजा कालजा प्रज्ञा रमा मङ्गलसुन्दरी ।वाग्विलासा विशालाक्षी सर्वविद्या सुमङ्गला॥२२ ॥काली महेश्वरी चैव भैरवी भुवनेश्वरी ।अष्टोत्तरशतं नाम्नां वाग्भत्रिर्त्रा चपुरार्जितम् ॥ २३॥त्रिसन्ध्यं कीर्तयेद्यस्तु सर्वसिद्धिं लभेत सः ।आयुरारोग्यमैश्वर्यं सुख सम्पत्तिवर्धनम् ॥ २४ ॥षट्कर्मसिद्धिदं स्तोत्रं साक्षात्त्रैलोक्यमोहनम् ।सिद्धसारस्वतं चैव भवेद्विषयनाशनम् ॥ २५ ॥॥ इति श्रीसरस्वतीस्तोत्रं सिद्धसारस्वतं सम्पूर्णम् ॥