श्रीपार्वतीस्तोत्रम् A machine-readable edition Arun Prasad Arun Prasad Creation of machine-readable version. Ambuda (https://ambuda.org)

Distributed by Ambuda under a Creative Commons CC0 1.0 Universal Licence (public domain)

 2026-05-10 This text has been created by direct export from Ambuda's proofing environment. स्तोत्रार्णवः V. Chandrasekaran, M.A., L.T. Government Oriental Manuscripts Library Madras 1961

Ambuda is an online library of Sanskrit literature.

Normalization of whitespace around dandas and other punctuation marks.

 १५. ॥ अथ श्रीपार्वतीस्तोत्रम् ॥ बालार्कायुतसत्प्रभां करतले लोलम्बमालाकुलां मालां संदधतीं मनोहरतनुं मन्दस्मितोद्यन्मुखीम् । मन्दं मन्दमुपेयुषीं वरयितुं शम्मुं जगन्मोहिनीं वन्दे देवमुनीन्द्रवन्दितपदामिष्टार्थदां पार्वतीम् ॥ १ ॥ हेमाभां मतिवागतीतगुणशीलानल्पशिल्पाकृतिं प्रेमारोहमनोहरां करलसत्कल्याणदामाचिताम् । श्यामामीश्वरमुद्यतां वरयितुं त्रैलोक्यसम्मोहिनीं कामापादनकल्पवल्लिमनिशं वन्दे परां देवताम् ॥ २ ॥ करधृतवरमाल्या सर्वरक्ताङ्गभूषा निखिलनयनचेतोहारिरूपाग्र्यवेषा । भवतु भवदभीष्टप्राप्तये शैलकन्या पुरुषयुवतिवश्याकृष्टिनित्यप्रगल्भा ॥ ३ ॥ हेमाद्रौ हेमपीठे नतनिखिलसुरैरीड्यमानां विराज- त्पुष्पे ष्विा ष्वि ष्वासपाशाङ्कुशकरकमलां रक्तवेषाभिरक्ताम् । दिक्षूद्यद्भिश्चतुर्भिर्मणिमयकलशैः पञ्चशक्त्यञ्चितैः स्व- र्वृक्षैः कॢप्ताभिषेकां भजत भगवतीं भूतिदामन्त्ययामे ॥ ४ ॥ चक्रं शङ्खमसिं च चर्म सशरं चापं गदां शूलकं बिभ्राणां वरदाभयामृतघटान् रत्नौघपात्रं तथा । भूषाभिर्मकुटादिभिस्त्रिनयनां पीताम्बरामम्बिकां ध्यायेच्चन्द्रकलासितां सुरगणैरीड्यां जगन्मङ्गलाम् ॥ ५ ॥ श्रीकैलासे शुकाद्यैः शिवकरवटमूले निषण्णो निषेव्यः कृत्वोरौ वामपादं किसलयमृदुलं दक्षिणे दक्षवैरी । विभ्राणो दोर्भिरक्षस्रजममृतघटं पुस्तकं ज्ञानमुद्रां भूयाद्भुक्त्यै च मुक्त्यै मम रजतनिभो दक्षिणामूर्तिशम्भुः ॥ ६ ॥ ॥ इति श्रीपार्वतीस्तोत्रं सम्पूर्णम् ॥